فاریاب ولایتیده تۉی مراسمیگه کېته‌یاتگن مهمانلرنی آلیب کېته‌یاتگن موترنینگ اغدریلیب کېتیشی عاقبتیده ۲۴ کیشی عیال و باله یره‌لنگن.
طالبلرنینگ فاریاب ولایتی امنیه قوماندانلیگی مطبوعات سوزلاوچیسی عبدالله مرادي اوشبو حادثه بوگون (جمعه، ۱ عقرب) خیبر اواسواللیگی‌نینگ «کتّه ریش» منطقه‌سیده صادر بۉلگنینی ایتگن.
مرادي‌نینگ سۉزلریگه کۉره، حادثه عاقبتیده «فلانوچ» روسوملی موتر یۉلدن چیقیب کېتیب، اغدریلگن و نتیجه‌ده ۲۴ عیال و باله یره‌لنگن.
اوشبو حادثه‌ده آدملر هلاک بۉلمه‌گن. برچه جراحتلنگنلر دوالنیش اوچون فاریاب ولایت شفاخانه‌سیگه آلیب باریلگن.
موترده‌گی یۉلاوچیلر خیبر اواسواللیگی‌نینگ «ایستال» قیشلاغیده‌گی تۉی مراسمیگه باره‌یاتگن بۉلگن.
مرادي حادثه‌گه یۉل‌نینگ یامانلیگی و هیداوچی.نینگ احتیاطسیزلیگی سبب بۉلگنینی بیلدیرگن.
شو بیلن بیرگه، غزنی ولایتی مرکزیده ینه بیر ترافیک حادثه‌سی صادر بۉلیب، تۉقّیز کیشی جراحتلنگن.
طالبلرنینگ غزنی ولایتی پولیس قوماندانلیگی مطبوعات سوزلاوچیسی خالد سرحدي‌نینگ ایتیشیچه، اوشبو حادثه بوگون توشدن کېین کابل–قندهار عمومی قتناوو یۉلیده نینگ غزنی مرکزیگه قره‌شلی «روضه کوتلی» حدودیده صادر بۉلگن.
اونینگ سۉزلریگه کۉره، حادثه‌ده «تودی» روسوملی موتر «کرولا» روسوملی موتر بیلن تۉقنه‌شگن. نتیجه‌ده بیر عیالنی هم قۉشیب حسابله‌گنده، تۉقّیز کیشی جراحتلنگن.
حادثه‌‌نینگ سببی هم هیداوچیلر‌نینگ احتیاطسیزلیگینی ایتگن.
