افغانستان شیعهلرینینگ عالي کمیسیونی ادارهسی طالبلر کوچلری تامانیدن قورشهب آلینگنیدن بیر کون اۉتیب، اوشبو کمیسیون فعالیتی اوّلگیدېک هېچ قندهی تنفسسیز دوام اېتهیاتگنینی معلوم قیلدی.
افغانستان شیعهلرینینگ عالي کمیسیونی بوگون، چهارشنبه، ۱۸-سنبله کونی فیس بوک آرقهلی نشر قیلگن بیاناتیده کمیسیون ادارهسی اوّلگیدېک «آچیق بۉلیب، اوشبو تشکیلات فعالیتی هېچ قندهی تنفسسیز دوام اېتماقده»، دېب بیلدیرگن.
کمیسیون «برچه اداری و خدمت کۉرسهتیش ایشلری، شونینگدېک، خلق مراجعتلرینی کۉریب چیقیش» اوّلگی ترتیبده دوام اېتهیاتگنینی ایتگن.
بو حالت بیر کون اوّل افغانستان شیعهلرینینگ عالي کمیسیونی ادارهسی طالبلر کوچلری تامانیدن قورشهب آلینگن بیر پیتده یوز بېرماقده.
منبعلر «اطلاعات روز» گزیتهسیگه بېرگن معلوماتیده طالبلرنینگ قوراللنگن کوچلری سهشنبه کونی، ۱۷-سنبله، ساعت تخمیناً ۲:۰۰ ده اوشبو کمیسیون ادارهسینی قورشهب آلگنینی بیلدیرگن اېدی.
افغانستان شیعهلرینینگ عالي کمیسیونی نیمه سببدن قورشهب آلینگنی حاضرچه معلوم اېمس. کمیسیوننینگ ینگی بیاناتیده هم ادارهنینگ قورشهب آلینگنی حقیده هېچ نرسه ایتیلمهگن.
