طالبلر مدافعه وزیرلیگیدن بیر هیئت چینگه پېکین شهریده اۉتکزیلهدیگن ۱۲ «مجمع شیانگشان» خوفسیزلیک فارومیده اشتراک اېتیش اوچون سفر قیلگن.
طالبلر مدافعه وزیرلیگینینگ باش تیکشیروچیسی لطیفالله حکیمي بوگون (شنبه، ۲۱-سنبله) ایکسدهگی صحیفهسیده خبر بېریب، اوشبو هیئتگه اۉزی رهبرلیک قیلهیاتگنینی معلوم قیلگن.
طالبلر وکیللری «مجمع شیانگشان» فارومیده اشتراک اېتیب، نطق سۉزلشی، شونینگدېک، تورلی مملکتلردن کېلگن هیئتلر بیلن اوچرهشوو و مذاکرهلر اۉتکزیشی رېجهلشتیریلگن.
۱۳- «مجمع شیانگشان» فارومی اوچ کون ۲۴–۲۶-سنبله کونلری پېکین خلقارا کنفراسلر مرکزیده بۉلیب اۉتیشی کوتیلماقده.
«مجمع شیانگشان» یاکه «پېکین خوفسیزلیک فارومی» ۲۰۰۶-ییلده چین تشبثی بیلن تشکیل اېتیلگن بۉلیب، خلقارا خوفسیزلیک و مدافعه مسألهلریگه بغیشلنگن فاروم حسابلنهدی. او هر ییلی اۉنلب مملکتلر وکیللری اشتراکیده اۉتکزیلهدی.
«مجمع شیانگشان» دستلب خوفسیزلیک مسألهلری بۉییچه ملاقاتلر اوچون تشکیل اېتیلگن بۉلسه، ۲۰۱۴-ییلدن باشلب اونینگ مقامی «فاروم» درجهسیگه کۉتریلگن. اونده چین و روسیه بیلن همفکر بۉلگن دولتلرنینگ مدافعه وزیرلری و یوقاری مرتبهلی هیئتلری، حتا ناتو وکیللری هم اشتراک اېتهدی.
