افغانستان پارلمانی سابق اعضاسی خانم فوزیه کوفی «طالبلردن کېینگی افغانستان» کېلیشینی ایتیب، اونگه تیارگرلیک کۉریش اوچون رېجه ایشلب چیقیش کېرهکلیگینی تأکیدلهدی.
کوفی بو فکرلرنی بوگون (یکشنبه، ۲۲-سنبله) «شهیدلر هفتهلیگی» مناسبتی بیلن اۉتکزیلگن آنلاین ییغیلیشده بیلدیردی. او طالبلرگه قرشی سیاستچیلرنی فکري تفاوتلرینی «کوچلی جهت»گه ایلنتیریشگه چقیردی. اونینگ ایتیشیچه، «افغانستان اۉزیدهگی خیلمه-خیللیک بیلن گۉزلدیر».
کوفی، شونینگدېک، افغانستان عیاللرینینگ طالبلرگه قرشی کورهشیگه توختهلیب، «اگر عیاللر بۉلمهسه، طالبلر جوده تېز خلقارا مشروعیتگه اېریشهدی»، دېدی.
او افغانستان تاریخی مملکت عیاللری نینگ کورهشینی اېسلب قالیشینی و بو عیاللر قندهی قیلیب اۉز اویلرینی کورهش میدانیگه ایلنتیرگنینی یادده توتیشینی ایتدی.
بیراق پارلماننینگ سابق اعضاسی سیاستچیلرنینگ عیاللرگه مناسبتینی تنقید قیلیب، «عیاللر نهفقط طالبان بۉیینباغی آستیده، بلکه سیاستچیلر تامانیدن هم اعتبارسیز قالدیریلماقده»، دېدی.
طالبلر افغانستانده قَیته حاکمیتنی اېگهلهگنیدن بېری عیاللرنینگ تعلیم آلیشی و ایشلشینی تعقیقلب، اولرنینگ جمعیتدهگی اشتراکیگه کېنگ کۉلملی چېکلاولر جاري قیلگن.
