قندهاردهگی محلي منبعلر معلوم قیلیشیچه، طالبلرنینگ «امر به معروف و نهی از منکر» خادملری قندهار شهریدن ۱۹ نفر صرافنی سقالینی قیریش و «ساچنی غربانه اسلوبده آلدیریش» عیبلاوی بیلن حبسگه آلگن.
منبعلرگه کۉره، بو صرافلر بوگون (چهارشنبه، ۲۵-سنبله) توش پیتیده قندهار شهریدهگی صرافلر بازاریدن حبسگه آلینگن.
منبعلر خبریگه کۉره، اوشبو شخصلر طالبلرنینگ قندهاردهگی «امر به معروف و نهی از منکر» ادارهسیگه آلیب کېتیلگن و حاضرده شو ادارهده سهقلنماقده.
منبعلرنینگ ایتیشیچه، قندهار صرافلر اویوشمهسی مسووللری اولرنی آزاد قیلیش اوچون طالبلرنینگ «امر به معروف نهی از منکر» ادارهسیگه مراجعت قیلگن، بیراق طالبان اولرنی آزاد قیلیشدن باش تارتگن.
قندهاردهگی طالبلر محلي رسميلری حاضرچه اوشبو شخصلرنینگ حبسگه آلینگنی حقیده ایضاح بېرمهگن.
طالبلر بوندن آلدین هم فقرالرنی سقال قیریش و ساچ آلدیریش عیبلاولری بیلن حبسگه آلگن.
