پاکستان تشقی ایشلر وزیرلیگی مطبوعات سوزلاوچیسی سجاد حیدر خاننینگ ایتیشیچه، طالبلرنینگ ایستکسیزلیگی سبب اسلام آباد و کابل اۉرتهسیدهگی ترنگلیکنی کمهیتیریش اوچون دولتلرنینگ واسطهچیلیک حرکتلری نتیجه بېرمهگن.
او بوگون (پنجشنبه، 26 سمبله) مطبوعات انجمنیده تورکيه استخبارات اداره باشلیغی و قطر ملي خوفسیزلیک کېنگشی اۉرینباسرینینگ کابلگه سفری حقیدهگی سوالگه جوابن، بو سفرنینگ کېلیب چیقیشی حقیده معلوماتگه اېگه اېمسلیگینی، بیراق قطر و تورکيه واسطهچیلیک بارهسیده جوده کانتروکتیف رۉل اۉینهگنینی ایتدی.
اونینگ قۉشیمچه قیلیشیچه، پاکستان اۉتگن ییلی واسطهچیلر آرقهلی ایکّی مرته طالبلر بیلن ملاقاتگه کیریشگن، بیراق طالبلرنینگ مناسبتی سلبي بۉلگن.
سجاد حیدر خان شوندهی دېدی: «افسوسلنرلی جهتی شوندهکی، منطقه دولتلرینینگ سعی-حرکتلری و دۉست دولتلرنینگ قندهیدیر برقرارلیکنی تأمینلش یۉلیدهگی ایجابي چارهلریگه قرهمهی، افغانستاننینگ مناسبتی سلبي بۉلدی و طالبان تروریزمنینگ افغانستان توپراغیدن پاکستانگه قرهب کېلیشیگه برهم بېریلیشینی کفالتلشگه راضی بۉلمهدی. شو سببلی بوندهی کفالتنینگ بېریلیشی پاکستان اوچون جوده مهم.»
پاکستان رسميلری طالبلر افغانستانده پاکستاننینگ اَیریم گروهلریگه، جملهدن، تیتیپیگه باشپناه بېرگنینی و بو گروهلر افغانستان توپراغیدن فایدهلنهیاتگنینی اَیتماقده. بیراق طالبلر اسلام آبادنینگ بو دعوالرینی رد اېتهدی.
پاکستاننینگ دعوالری و طالباذنینگ اولرنی انکار اېتیشی ایکّی تامان اۉرتهسیده ترنگلیککه سبب بۉلگن. اوشبو ترنگلیک طفیلی اۉتگن ییلی افغانستان و پاکستان چېگرهلری یاپیلدی و طالبان کوچلری پاکستان چېگرهچیلری بیلن تۉقنهشدی.
پاکستان تشقی ایشلر وزیرلیگی مطبوعات سوزلاوچیسی افغانستان بیلن سودا و ترانزیتنی قَیته تیکلش احتمالی حقیدهگی سوالگه جوابن، اۉتگن ییلی پاکستان تشقی ایشلر وزیری اسحاق دار کابلگه سفری چاغیده سودا ساحهسیده افغانستانگه کۉپلب امتیازلر تکلیف قیلگنینی، بونینگ عوضیگه اېسه افغانستاندن کېلهیاتگن تروریزمگه برهم بېریلیشی کېرهک بۉلگنینی ایتدی.
او قۉشیمچه قیلدی: «اېندی حرکت قیلیش نوبتی قرشی تامانده… بیز قطر، تورکيه و چین کبی دۉست دولتلریمیز امکانیتلریدن هم فایدهلندیک، بیراق ایکّی دولت اۉرتهسیده تینچلیک اۉرنهتیش یۉلیدهگی برچه بو سعی-حرکتلر تۉلیق نتیجه بېرمهدی. بونینگ بیرته سببی بار – قرشی تامان، یعنی افغانستان تامانی همکارلیک قیلیشگه تیار اېمس.»
تیناوون تورکيه استخبارات ادارهسی باشلیغی و قطر ملي خوفسیزلیک کېنگشی اۉرینباسری کابلده طالبلر رسميلری بیلن مذاکره اۉتکزدی.
طالبلر مذاکرهلرنینگ اساسي موضوعی خوفسیزلیک ساحهسیدهگی همکارلیک بۉلگنینی معلوم قیلدی.
تورکيه و قطر طالبلر بیلن یقین مناسبتلرگه اېگه بۉلیب، اولر اوشبو گروه و پاکستان حکومتی اۉرتهسیده واسطهچیلیک هم قیلگن.
