طالبلر باش وزیرینینگ اقتصادي مسألهلر بۉییچه اۉرینباسری ادارهسی بغلان ولایتیده صناعت پارکی قوریلیشی باشلنگنینی معلوم قیلدی.
اوشبو اداره اعلانیده «قتیبه ابن سعید بغلانی» دېب ناملنگن صناعت پارکی قوریلیشی بوگون، جمعه کونی،۲۷-سنبله کونی طالبان باش وزیرینینگ اقتصادي مسألهلر بۉییچه اۉرینباسری عبدالغنی برادر اشتراکیده باشلنگنینی بیلدیرگن.
بیاناتگه کۉره، مذکور صناعت پارکی ۱۶۷۹ جریب یېر میدانیده قوریلیشی رېجهلشتیریلگن.
طالبلر باش وزیرینینگ اقتصادي مسألهلر بۉییچه اۉرینباسری عبدالغنی برادر صناعت پارکی قوریلیشی باشلنیشی مراسمیده مملکت اقتصادي اۉزینی اۉزی تأمینلش درجهسیگه صناعت و ایشلب چیقریش فعالیتینی مملکت ایچیده برچه ساحهلر بۉییچه رواجلنتیریش و کوچهیتیریش آرقهلی اېریشیشی ممکنلیگینی ایتگن.
اونینگ قۉشیمچه قیلیشیچه، صناعت پارکلرینی قوریشدن مقصد خاماشیانی مملکت ایچیده ایشلب چیقریش و قَیته ایشلش، سۉنگره باشقه دولتلرگه صادر قیلیشدیر.
طالبلر کېچه قوندوز ولایتینینگ «دشتی ابدان» حدودیده ۱۰ مینگ جېریب یېر میدانیده ینه بیر صناعت پارکی قوریلیشینی باشلهگن اېدی.
بیراق اوشبو صناعت پارکلرینی قوریش خرجتلری قندهی مالیهلشتیریلیشی و قوریلیش ایشلری قنچه وقت دوام اېتیشی حاضرچه نامعلوم.
