طالبانلرنینگ عدلیه وزیرلیگی مزار شریف شهری، بلخ ولایتی مرکزیدهگی «خاتم الانبیا لایحهسی»گه تېگیشلی ۶۰۰ جریب یېرنی «امارتي» دېب بېلگیلهگنینی معلوم قیلدی.
بو وزیرلیک بوگون (یکشنبه، ۵ میزان) نشر قیلگن بیاناتیده مذکور لایحه یېرلری مزار شریف شهری نینگ ۱۳-ناحیهسیدهگی «قلعه قول-محمد» منطقهسبده جایلشگنینی بیلدیرگن.
بیاناتده ایتیلیشیچه، «شمالي زون امارتي تارتیب آلینگن یېرلر بۉییچه ایشلرنی کۉریب چیقیش بۉییچه مخصوص محکمه» بلخ ولایتیدهگی «خاتک الانبیا لایحهسی» دېب اتهلووچی قریب ۶۰۰ جریب یېرگه عاید حجت و دلیللرنی کۉریب چیقیب، اوشبو یېرلرنینگ برچهسی «امارتي» اېکنیگه قرار قیلگن.
طالبلرنینگ عدلیه وزیرلیگی «امارتي» صفتیده تارتیب آلینگن یېرلرنی بوتون مملکت بۉیلب تېکشیریش، انیقلش و قَیتریش جریانی «جدل» دوام اېتهیاتگنینی اَیتماقده.
مذکور وزیرلیک بوندن تۉرت کون اوّل مزار شریف شهرینینگ دشتی شاديان منطقهسیدهگی ۳مینگ ۶۵۷ جریبدن آرتیق «دیپلوماتیک شهرچه» یېرلرینی هم «امارتي» دېب اعلان قیلگن اېدی.
طالبلرنینگ ایتیشیچه، سۉنگگی تۉرت ییل دوامیده ۱۴ولایتدهگی ۵۰دن آرتیق شهرچه یېرلری تۉلیق یاکه قسماً «امارتي» صفتیده بېلگیلنگن.
