«افغانستان آزادلیک جبههسی» کامدیش اولسواللیگیده، نورستان ولایتیده اوشبو جبهه کوچلری بیلن طالبان کوچلری اۉرتهسیدهگی تۉقنهشوولر هنوز دوام اېتهیاتگنینی معلوم قیلدی.
مذکور جبههنینگ قۉشیمچه قیلیشیچه، تۉقنهشوولر نتیجهسیده کمیده بېش نفر طالبلر اعضاسینینگ جسدی «جنگ میدانیده قالگن» و اوشبو گروه نینگ ۱۰ کیشیسی یرهلنگن اعضاسی نورستان و کنر ولایتلریدهگی طبیات مرکزلریگه کۉچیریلگن.
«افغانستان آزادلیک جبههسی» شونینگدېک، حاضرگچه طالبلرنینگ بیر نېچه نظارت-اۉتکزیش پستهلری اونینگ کوچلری قۉلیگه اۉتگنینی دعوا قیلگن و «نورستاننینگ کامدیش تومنی همده کنر ولایتینینگ نری تومنی نینگ اَیریم حدودلری طالبان گروهیدن آزاد قیلینگنینی» بیلدیرگن.
اوشبو جبهه شونینگدېک، طالبلرنینگ «کتّه مقداردهگی قورال-یراغ و جهازلری» اونینگ کوچلری قۉلیگه اۉتگنینی و طالبلرنینگ «اۉنلب باشقهریلهدیگن درونلری» هم یۉق قیلینگنینی دعوا قیلگن.
«افغانستان فرونت جبههسی» اوّلراق طالبلر بوگون اېرتهلب کامدیش اولسواللیگیدهگی اۉز کوچلری موضعلریگه پیاده عسکرلر و درونلر یاردمیده هجوم قیلگنینی، بیراق اونینگ کوچلری قرشیلیگی سبب هجومچیلر آرتگه قَیتریلگنینی معلوم قیلگن اېدی.
طالبلرنینگ محلي مسووللری حاضرگچه بو بارهده رسماً ایضاح بېرمهگن.
