قندهاردهگی منبعلرنینگ ایتیشیچه، تۉی مراسمیده یوز بېرگن جنجل آرتیدن کویاو نینگ تاغهسی اوّل کېلیننی قورالدن آتیب اۉلدیرگن، سۉنگره اۉز جانیگه قصد قیلگن.
منبعلرنینگ ایتیشیچه، بو واقعه تیناوون (شنبه، ۴- مېزان) قندهار ولایتینینگ دند اولسواللیگی عمارت حدودیده صادر بۉلگن.
بیر منبع نینگ ایتیشیچه، دستلب کېلین و کویاو عایلهلری اۉرتهسیده موترلرنینگ اۉتیب کېتیشی مسألهسیده آغزهکی جنجل یوزهگه کېلگن. شوندن سۉنگ کویاو نینگ تاغهسی تۉپّانچهدن اۉق اوزیب، اوّل کېلیننی آتیب اۉلدیرگن، کېین اېسه اۉزینی آتیب، هلاک بۉلگن.
منبعلر کېلین نینگ اسمی «کافيه» بۉلگنی و او ۲۲ یاشده اېکنینی ایتیشگن کۉره، کویاو نینگ تاغهسی ۳۲ یاشلی «عبدالواحید» اسملی اېرکک بۉلگن.
قندهاردهگی طالبلرنینگ محلي رسميلری اوشبو واقعهنی تصدیقلهگن.
