دایکندی ولایتی‌نینگ خدیر اواسواللیگیده‌گی منبعلر اوشبو اواسواللیک نینگ کيان منطقه‌سیده بیر یاش ییگیت سِرلی طرزده قورال بیلن آتیب اۉلدیریلگنینی تصدیقله‌دی.
بیر منبع «اطلاعات روز» گزیته‌سیگه ایتیشیچه، بو ییگیت حسن خدایی اسملی بۉلیب، تخمیناً ۲۱ یاشده بۉلگن.
منبع نینگ ایتیشیچه، حسن خدیرنینگ کيان منطقه‌سی اوییگه یقین جایده دوکانی بۉلگن و کېچه‌لری دوکانیده اوخله‌گن. منبع جمعه کونی (۱عقرب) تانگگی ساعت ۳:۳۰ لر اطرافیده اۉق آوازی اېشیتیلگنینی، شوندن سۉنگ حسن آنه‌سیگه قۉنغیراق قیلیب، اۉزیگه بیرار حادثه یوز بېرگنینی ایتگنینی بیلدیردی.
منبع‌نینگ قۉشیمچه قیلیشیچه، حسن عایله‌سی اعضالری دوکانگه یېتیب کېلگنیده، او اېندی گپیره آلمه‌ی قالگن اېدی. منبع‌نینگ ایتیشیچه، اۉق حسن نینگ تاماغی آستیگه تېککن.
منبعگه کۉره، بو ییگیت نینگ قاتللیکده گمان قیلینه‌یاتگن شخص یاکه شخصلر حاضرچه انیقلنمه‌گن. اونینگ عایله اعضالری هېچ کیم بیلن عداوتی بۉلمه‌گنینی ایتیشگن.
منبع قۉشیمچه قیلگنیچه، طالبلرنینگ خوفسیزلیک مسووللری کېچه تېرگاو اۉتکزیش اوچون کېلگن، بیراق اولر نینگ تېکشیرووی نتیجه بېرمه‌گن.
حسن خدایی‌نینگ جسدی کېچه کيان حدودیده دفن اېتیلگن.
او سۉنگگی ییللرده ایراندن اوییگه قَیتگن و دوکاندارلیک همده دهقانچیلیک بیلن شغللنگن.
