طالبلرنینگ پنجشیر ولایتی حاکمی مطبوعات سوزلاوچیسی، اوشبو ولایتده آلتین قزیب آلیش ایشلری هبت‌الله آخوندزاده نینگ فرمانی بیلن باشلنگنینی ایتدی.
لتون‌نینگ ایتیشیچه، طالبلر رهبری محلي اهالیگه ایش ا‌ۉرینلری یره‌تیش مقصدیده آلتیننی مو‌تر-اسکونه‌لردن فایده‌لنمسدن، «عنعنوي اصولده یوویش» حقیده بویروق بېرگن.
اونینگ سۉزلریگه کۉره، پنجشیر ولایتیده‌گی آلتین کانلرینی قزیب آلیش ایشلریگه قریب مینگ کیشی جلب اېتیله‌دی.
طالبلرنینگ پنجشیر ولایتیده‌گی کانلر و پترولیم ریاستیگه ته‌یه‌نیب خبر بېریشیچه، آلتین یوویش تۉغریسیده‌گی قانون-قاعده هبت‌الله آخوندزاده تامانیدن تصدیقلنگن.
اونینگ قۉشیمچه قیلیشیچه، تېگیشلی یۉریق‌نامه یېتیب کېلگچ، آلتین کانلرینی مخصوص قوریلمه‌لر و اسکونه‌لر یاردمیده قزیب آلیش ایشلری باشلنه‌دی.
لتون‌نینگ تأکیدلشیچه، بوندن اوّل پنجشیرده آلتین قزیب آلیش تعقیقلنگن بۉلیب، هېچ کیمگه بو باره‌ده فعالیت یوریتیشگه رخصت بېریلمه‌گن.
طالبلر پنجشیر ولایتیده‌گی کانلردن آلینه‌دیگن درآمد نینگ اتیگی ۱۰ فایزینی سالیق صفتیده اوندیریشینی دعوا قیلماقده.
عینِ پیتده اوشبو گروه پنجشیر ولایتیده‌گی «زمرد، یاقوت، فېروزه، آلتین و یشیل گرانت» کانلرینی قزیب آلماقده.
