منبعلر نینگ معلوم قیلیشیچه، سمنگان ولایتی نینگ تۉرت یشاوچیلری ایراندن تورکيه‌گه ناقانوني یۉل بیلن اۉتیشگه اورینیش چاغیده هلاک بۉلگن.
بیر منبع بوگون (جمعه، ۱۵ عقرب) «اطلاعات روز» گزیته‌سیگه معلوم قیلیشیچه، اوشبو تۉرت کیشی تورکيه چېگره‌چیلری نینگ کلتکلشی عاقبتیده حیاتدن کۉز یومگن.
منبع هلاک بۉلگنلرنینگ اسملرینی عنایت‌الله، طورالدین، لطف‌الله و فضل‌احمد دېب کېلتیریب، اولر سمنگان ولایتی حضرت سلطان تومنیده‌گی کۉکجر قیشلاغی اهالیسی بۉلگنینی ایتگن.
منبع نینگ ایتیشیچه، تۉرت کیشی نینگ جسدی ایرانگه آلیب اۉتیلگن و او یېردن افغانستانگه آلیب کېلینیشی رېجه‌لشتیریلگن.
افغانستانلیکلر اروپا دولتلریگه ایشلش و کۉچیب باریش مقصدیده ایران آرقه‌لی ناقانوني یۉللر بیلن تورکيه‌گه اۉته‌دی. بو خوفلی یۉنه‌لیشده اَیریم یۉلاوچیلر منزلیگه یېتیب باره آلمه‌یدی. تورکيه چېگره‌سیده افغانستانلیکلرنینگ چېگره‌چیلر تامانیدن اۉققه توتیلیشی، کلتکلنیشی و ساووق طفیلی هلاک بۉلگنی حقیده اوّل هم کۉپلب خبرلر ترقه‌لگن.
