طالبلر نظارتی آستیدهگی عامهوي اخبارات واسطهلرینینگ خبر بېریشیچه، اوشبو گروهنینگ اطراف-محیطنی محافظه قیلیش ادارهسی هیئتی بیرلشگن ملتلر تشکیلاتینینگ اقلیم اۉزگریشی بۉییچه ۳۱کنفراسی (کوپ ۳۱)ده اشتراک اېتمهیدی.
«رادیو حریت» بوگون (چهارشنبه، ۱۹ عقرب) طالبلرنینگ اطراف-محیطنی محافظه قیلیش ادارهسی مسووللریگه تهیهنیب یازیشیچه، بیرلشگن ملتلر تشکیلاتی طالبان هیئتیگه رسمي «تکلیفنامه» یوبارمهگن. شو سببلی گروه هیئتی کوپ ۳۱ کنفراسسیده قتنهشمهیدی.
مذکور مېدیا خبریده یازیلیشیچه، بیرلشگن ملتلر تشکیلاتینینگ ۳۱-اقلیم کنفراسیگه مېزبانلیک قیلهیاتگن تورکيه طالباننی اوشبو انجمنده مهمان صفتیده اشتراک اېتیشگه تکلیف قیلگن اېدی.
بیرلشگن ملتلر تشکیلاتینینگ ۳۱-اقلیم کنفراسی تیناوون تورکيه نینگ آنتالیا شهریده دنیانینگ تورلی مملکتلری وکیللری همده خلقارا تشکیلاتلر اشتراکیده باشلندی. انجمن شو آینینگ ۲۰-سنهسیگه قدَر دوام اېتهدی.
طالبلر ایلک بار ۲۰۲۴-ییلده آذربایجان پایتختیده بۉلیب اۉتگن بمت نینگ ۲۹-اقلیم کنفراسیده مهمان و کوزهتووچی اعضا صفتیده قتنهشگن اېدی. بیراق ۲۰۲۵ـ ییلده برزایلده اۉتکزیلگن بیرلشگن ملتلر تشکیلاتینینگ ۳۰-اقلیم کنفراسیگه تکلیف اېتیلمهگن اېدی.
افغانستان اقلیم اۉزگریشیدن اېنگ کۉپ ضرر کۉریشی ممکن بۉلگن دولتلردن بیری حسابلنهدی. اما طالبان مملکتده حاکمیتنی قَیته اېگهلهگنیدن سۉنگ افغانستاننینگ بیرارته نمایندهسی هم بیرلشگن ملتلر تشکیلاتینینگ اقلیم کنفراسلریده اشتراک اېتیش اوچون تکلیف قیلینمهیپتی.
بیرلشگن ملتلر تشکیلاتی طالبلر حکومتینینگ ایچکی و خلقارا مقیاسده مروعیتینی تن آلینمهگنی سببلی اوشبو گروه وکیللرینی کنفراسلرگه تکلیف قیلمهیدی.
