افغانستاننینگ تنیقلی صنعنچی و خوانندهسی وحید صابری وفات اېتدی.
معلوم قیلینیشیچه، او بوگون (شنبه، ۳۰ عقرب) اېرتهلب اۉزبېکستان پایتختی تاشکېنت شهریدهگی اوییده وفات اېتگن.
افغانستان موسیقیسی عالمینینگ بیر قطار تنیقلی نمایندهلری جناب صابرينینگ وفات اېتگنینی تصدیقلب، اونینگ اۉلیمیدن قیغو اظهار اېتیشگن.
بیر وقتلر وحیدصابری بیلن «باران» گروهیده همکارلیک قیلگن فرهاد دریا او بیلن توشگن صورتینی فیسبوک صحیفهسیده اعلان قیلیب، شوندهی دېب یازگن: «کۉز یاشلریم یامغیر تامچیلریدېک… وحید… وحید».
افغانستانلیک ینه بیر خواننده آریانا سعید هم کوتیلمهگن اۉلیم خبرینی اېشیتیب، یورهگی پرچه بۉلگنینی یازگن. او اۉز خبریده: «دایما قلبیمیزده یشهیدیگن صنعتچیمیز وحیدجان صابرینینگ بېوقت وفاتی حقیدهگی خبرنی اېشیتیب، یورهگیم سیندی»، دېب تأکیدلهگن.
خوانندهنینگ وفات اېتیش سببی حاضرچه نامعلوم.
کابل شهرینینگ ده افغانان منطقهسیده توغیلگن وحید صابری ایلک قۉشیغینی ۱۳۵۷-هجری ییلده افغانستان ملي رادیو و تلویزیونیده یازدیرگن. او ۱۳۶۱-هجری ییلده «باران» گروهیگه قۉشیلیب، شو آرقهلی شهرت و موفقیت قازانگن.
«دو موجود زهستی گرامیتر است» و «یک روز بلند آفتابی» اونینگ اېنگ مشهور قۉشیقلریدن حسابلنهدی.
