اَیریم مدنی و انسان حقوقلری فعاللری «هزارهلرنینگ جینوساید، مقصدلی قیرغینلر، مجبوري کۉچیریش همده اوشبو جماعهگه تېگیشلی یېر و ملکلرنینگ تارتیب آلینیشی» حقیده حجتلر و دلیللرگه اساسلنگن گزارشلرنی اروپا پارلمانی جمهور رئیس اۉرینباسریی خاوی لوپزگه تقدیم اېتدی.
اولر بروکسلده بۉلیب اۉتگن اوشبو اوچرهشووده اروپا اتفاقیدن «اېتنیک و دیني تعقیبلر، مجبوري کۉچیریش همده هزارهلرنینگ یېر و ملکلرینی تارتیب آلیش حالتلرینی توختهتیش اوچون عملي چارهلر کۉریش و هزارهلر جینوسایدینی تن آلیشنی قۉللب-قوّتلش»نی سۉردی.
«هزارهلر جینوسایدینی توختهتیش بۉییچه گلوبل کمپاین ستادی» هیئت اوشبو اوچرهشووده هزارهلر جینوسایدینی تن آلیش فقط خلقارا تشکیلاتلر دایرهسیده چېکلنیب قالمسلیگی، بلکه افغانستانده عموملیگی و کېنگ قمراولی طلبگه ایلنیشی لازملیگینی تأکیدلهدی.
هیئت، شونینگدېک، حقیقتنی انیقلش، اۉتیش دوری عدالتینی تأمینلش، جنایتلرنی صادر اېتگنلر و اولرگه بویروق بېرگن شخصلرنی جوابگرلیککه تارتیش، جبرلنووچیلرگه تاوان تۉلهش همده بوندهی جنایتلرنینگ تکرارلنمسلیگینی کفالتلش ضرورلیگینی تأکیدلهدی.
هیئت، شونینگدېک، حقیقتنی انیقلش، اۉتیش دوری عدالتینی تأمینلش، جنایتلرنی صادر اېتگنلر و اولرگه بویروق بېرگن شخصلرنی جوابگرلیککه تارتیش، جبرلنووچیلرگه تاوان تۉلهش همده بوندهی جنایتلرنینگ تکرارلنمسلیگینی کفالتلش ضرورلیگینی تأکیدلهدی.
فقرالیک جمعیتی فعاللرینینگ ایتیشیچه، افغانستانده طالبلر نظارتی آستیده هزارهلر تیزیملی اېتنیک، دیني و عرقي کمسیتیشلرگه دوچ کېلماقده.
شونینگدېک، اولر نینگ تأکیدلشیچه، هزارهلرگه تېگیشلی ملکلر و توررجای مسسیولری نینگ مصادره قیلینیشی، اوشبو حدودلر اهالیسی نینگ مجبوري کۉچیریلیشی هم اروپا پارلمانی جمهور رئیس اۉرینباسریی بیلن اوچرهشووده بحث قیلینگن موضوعلردن بۉلگن.
افغانستانلیک باشپناه ایزلاوچیلرنی، خصوصاً، هزارهلرنی حمایه قیلیش، اولرنی افغانستانگه مجبوري قَیتریشنینگ آلدینی آلیش همده طالبلرگه سیاسي لېگیتیملیک بېریلیشیگه قرشی چیقیش هم اوچرهشووده کۉتریلگن باشقه مسألهلر بۉلگن.
«هزارهلر جینوسایدینی توختهتیش بۉییچه گلوبل کمپاین ستادی» بیاناتیده مذکور اوچرهشوو خلقارا تشکیلاتلر نینگ قۉللب-قوّتلشینی جلب اېتیش، هزارهلر جینوسایدینی تن آلدیریش، قربانلر اوچون عدالتنی تأمینلش و بوندهی جنایتلرنینگ تکرارلنیشیگه یۉل قۉیمسلیک بارهسیدهگی سعی-حرکتلرنینگ بیر قِسمی اېکنینی معلوم قیلگن.
هزاره فعاللرینینگ ایتیشیچه، افغانستانده اوشبو جماعهگه قرشی عملگه آشیریلگن هجوملر جینوساید حسابلنهدی.
اولر خارجده هزارهلر جینوسایدینی تن آلدیریش مقصدیده خلقارا کمپنی باشلهگن.
