محلي منبعلرنینگ معلوم قیلیشیچه، قندهار ولایتینینگ دند اولسواللیگیده سابق حکومتنینگ بیر پولیس قوماندانی نامعلوم قوراللی شخصلر هجومی عاقبتیده آغیر یرهلنگن.
اسمی آشکار اېتیلیشینی ایستهمهگن منبعنینگ اطلاعات روزگه ایتیشیچه، سابق حربي بوگون (جمعه،۲۶سرطان) شیر سرخ بابا منطقهسیده قورال بیلن هجومگه اوچرهگنینی ایتدی.
منبعنینگ سۉزلریگه کۉره، یرهلنگن شخص محمد اکبر اچکزی، مگنی لقبی بیلن تنیلگن بۉلیب، اونگه موتورسیکلده حرکتلنگن ایکّی نقابلی قوراللی هجوم قیلگن.
اونینگ ایتیشیچه، محمد اکبر اچکزی جمهوریت دوریده قندهار شهرینینگ 4-ناحیهسیدهگی دارالمعلمین امنیتی پُستهسی قوماندانی لوازمیده ایشلهگن.
منبعنینگ بیلدیریب کۉپهیتیریشیچه، اچکزی تۉرت اۉقدن جراحت آلگن و حاضرده قندهار شهریدهگی میرویس شفاخانهسیگه یاتقیزیلگن.
منبعنینگ قۉشیمچه قیلیشیچه، جمهوریت حکومتی قولهگچ و طالبلر ینه حاکمیتنی اېگهلهگچ، او اۉز قیشلاغیده عادي یشاوچی صفتیده یشب کېلهیاتگن اېدی.
طالبلرنینگ قندهاردهگی محلي رسميلری حاضرچه اوشبو حادثه یوزهسیدن هېچ قندهی ایضاح بېرمهگن.
