هبتالله آخوندزاده فرمان چیقریب، طالبلرنینگ بیر قطار محکمه تیزیمی باشلیغلری، وزیرلیکلر اۉرینباسرلری و ادارهلر مسووللرینی لوازمیدن اۉزگرتیردی.
بوگون (پنجشنبه، ۸-اسد) طالبلر مطبوعات سۉزلاوچیسی ذبیحالله مجاهد نشر قیلگن فرمانگه کۉره، قندهار زونی حربي محکمه سابق رئیسی عالي محکمهنینگ حربي مسألهلر بۉییچه اۉرینباسری اېتیب تعیینلندی. عالي محکمهنینگ سابق حربي اۉرینباسری مرکزي دارالافتاء باش رئیسی، دارالافتاء نینگ سابق باشلیغی اېسه امر به معروف و نهي از منکر وزیرلیگینینگ حربي اۉرینباسری اېتیب تعیینلندی.
فرمانگه موافق، شهر حاکملیکلری عمومی ریاستینینگ سابق تخنیکي و کسبي اۉرینباسری مالیه وزیرلیگی نینگ درآمد و باجخانه بۉییچه اۉرینباسری، فواید عامه وزیرلیگی نینگ سابق تېمیر یۉللر بۉییچه اۉرینباسری کانلر وزیرلیگینینگ مالیه و اداری ایشلر بۉییچه اۉرینباسری، مالیه وزیرلیگی نینگ سابق درآمد و باجخانه بۉییچه اۉرینباسری اېسه کانلر وزیرلیگی نینگ جیولوجی تدقیقاتلر بۉییچه اۉرینباسری اېتیب تعیینلندی.
شونینگدېک، امیرلیک شرکتلری عمومی ادارهسی نینگ سابق سیاست، نظارت و بهالش بۉییچه اۉرینباسری کانلر وزیرلیگی نینگ تخنیکي مسألهلر بۉییچه اۉرینباسری، اداره امور عمومی ریاستی نینگ اداری ایشلر ریاستی نینگ سابق امیرلیک ایشلری موافقلشتیریش بۉییچه اۉرینباسری قندهار ولایتی حاکمی اۉرینباسری، کانلر وزیرلیگی نینگ سابق مالی و اداری ایشلر بۉییچه اۉرینباسری اېسه شهر حاکملیکلری ایشلرینی ترتیبگه سالیش ریاستی نینگ تخنیکي و کسبي مسألهلر بۉییچه اۉرینباسری اېتیب تعیینلنگن.
ینگی فرمانگه کۉره، قندهار ولایتی فواید عامه ریاستی نینگ سابق باشلیغی کانلر وزیرلیگی نینگ نفت و گاز عملیاتی شرکتلر باشلیغی، اوشبو شرکت نینگ سابق تجارت باشلیغی اېسه مالی و اداری ایشلر بۉییچه اۉرینباسر اېتیب تعیینلنگن. قندهار ولایتی حاکمی نینگ سابق اۉرینباسری کانلر وزیرلیگی نینگ کانلرنی محافظه قیلیش باشقرمسی باشلیغی اېتیب تعیینلندی.
شونینگدېک، امر به معروف و نهي از منکر وزیرلیگی نینگ سابق حربي اۉرینباسری مرکزي دارالافتاء باش رئیسی، دارالافتاء نینگ سابق اۉرینباسری اونینگ اعضاسی، عالي محکمه نینگ سابق دارالانشا باشقرمسی باشلیغی اېسه مرکزي دارالافتاء نینگ اداری مسوولی اېتیب تعیینلندی.
فرمانگه بناءً، دارالافتاء نینگ سابق اداری مسوولی عالي محکمه مرکزي دارالانشا باشقرمهسی باشلیغی، کابل زونی حربي محکمه نینگ سابق قاضیسی قندهار زونی حربي محکمه رئیسی، غور ولایتی نینگ شهرک تومنیدهگی سابق قاضی کابل زونی حربي محکمه نینگ استخبارات بۉلیمی قاضیسی اېتیب تعیینلندی.
بوندن تشقری، قندهار ولایتی استخبارات باشقرمهسی نینگ فرمان و کۉرسهتمهلر اجراسینی نظارت قیلیش بۉلیمی سابق رهبری پکتیکا بیلیم یورتی باشلیغی، قندهار علمالر کېنگشی نینگ سابق اعضاسی اېسه اوشبو ولایت استخبارات باشقرمهسی نینگ فرمان و کۉرسهتمهلر اجراسینی نظارت قیلیش بۉلیمی باشلیغی اېتیب تعیینلنگن.
هبتالله آخوندزاده، شونینگدېک، عبدالغفار میوندي اسملی شخصنی قندهار ولایتی فرمان و کۉرسهتمهلر اجراسینی نظارت قیلیش باشقرمهسی باشلیغی نینگ اۉرینباسری اېتیب تعیینلهدی.
طالبلر افغانستانده حاکمیتنی قَیته اېگهلهگنیدن سۉنگ، هبتالله آخوندزاده دولت ادارهلری، محکمه تیزیمی و حربي قوماندانلیکلرده تعیینلاو و لوازم المشینووی وکالتلرینی تېگیشلی رهبرلردن آلیب، اولرنی اۉز نظارتی آستیگه آلگن.
او منتظم روشده فرمانلر چیقریب، طالبان عملدارلرینی لوازمدن-لوازمگه اۉتکزماقده و اساسن اۉزیگه یقین شخصلرنی مهم دولت ادارهلریگه جایلشتیرماقده.
