طالبلرنینگ لغمان ولایتیدهگی امنیه قوماندانلیگینینگ معلوم قیلیشیچه، ولایتنینگ قرغهیی اولسواللیگیده یوز بیرگن ایکّی ترافیک حادثهسی عاقبتیده ایکّی کیشی، جملهدن بیر عیال هلاک بۉلگن، ینه تۉقّیز کیشی جراحتلنگن.
طالبلرنینگ لغمان ولایتی امنیه قوماندانلیگی مطبوعات سوزلاوچیسی محمد یونوس یوسوفزینینگ ایتیشیچه، بیرینچی حادثه بوگون، چهارشنبه کونی،۱۱-سنبله کونی ساعت تخمیناً ۱۰:۳۰ده کابل-جلال آباد یۉلی نینگ قرغهیی اولسواللیگیدهگی «عزیزخان» منطقهسیده صادر بۉلگن.
اونینگ قۉشیمچه قیلیشیچه، حادثه وقتیده «فرادو» روسوملی موتر اوچ غیلدیرهکلی ترانسپورت واسطهسی بیلن تۉقنهشگن. عاقبتده ایکّی کیشی هلاک بۉلگن، ینه تۉرت کیشی جراحتلنگن.
حادثهگه هیداوچینینگ احتیاطسیزلیگی سبب بۉلگنی ایتیلماقده.
طالبلرنینگ لغمان ولایتی خوفسیزلیک قوماندانلیگی مطبوعات سوزلاچی معلوم قیلیشیچه، ایکّینچی حادثه بوگون ساعت تخمیناً ۱۲:۳۰ ده قرغهیی اولسواللیگی نینگ «خیروخیل» منطقهسیده صادر بۉلگن. اوشبو حادثه عاقبتیده بېش کیشی جراحتلنگن.
یوسفزی بو حادثهگه هم احتیاطسیزلیک سبب بۉلگنینی ایتیب، جراحتلنگنلر اېنگ یقین طبیات مرکزلریگه آلیب باریلگنینی معلوم قیلگن.
