انسان حقوقلری کوزهتوو تشکیلاتی طالبلرنینگ اوچ کیشیدن عبارت هیئاتینینگ آلمانگه سفری افغانستانلیک مهاجرلرنی مجبورن دېپورت قیلیش بارهسیده جدّي خواطرلرنی یوزهگه کېلتیرگنینی بیلدیردی.
انسان حقوقلری کوزهتوو تشکیلاتینینگ افغانستان بۉییچه تدقیقاتچیسی فرشته عباسی آلماننینگ افغانستانلیکلرنی دېپورت قیلیش مسألهسیده طالبلر رسميلری بیلن ملاقات قیلهیاتگنینی «اچینرلی» دېب اتهدی.
عباسی شوندهی دېدی: «بو حرکت افغانلرنی تعقیب و انسان حقوقلرینینگ باشقه جدّي بوزیلیشلریگه دوچ کېلهدیگن شرایطگه قَیتریش خوفینی توغدیرهدی. بو اېسه آلماننینگ خلقارا حقوقي مجبوريتلریگه ضد.»
انسان حقوقلری تشکیلاتی تدقیقاتچیسی آلمان رسميلری برچه مجبوري دېپورتلرنی توختهتیشی و افغانلرنی طالبلر سرکوبیگه دچار بۉلیشدن حمایه قیلیشی کېرهکلیگینی تأکیدلهدی.
آلمان حکومتی طالبلرنینگ اوچ کیشیدن عبارت تخنیکي هیئاتی اگوست آیینینگ آخریده مملکتگه کېلگنینی تصدیقلهدی.
آلمان تشقی ایشلر وزیرلیگینینگ معلوم قیلیشیچه، هیئت اعضالری افغانستان فقرالرینی قَیتریش مسألهسیده تخنیکي و قنسوللیک همکارلیگی بۉییچه آلمان رسميلری بیلن مذاکرهلر آلیب بارماقده.
آلمان طالبلر افغانستانده حاکمیتنی قَیته اېگهلهگنیدن بېری قریب ۲۵۰ نفر مهاجرنی، اساسن جنایي اۉتمیشگه اېگه شخصلرنی، افغانستانگه دېپورت قیلگن.
سۉنگی حالتده اېسه تیناوون آلماندن جنایي اۉتمیشگه اېگه ۲۲نفر باشپناه ایزلاوچی دېپورت قیلینیب، کابلگه قَیتریلگن.
آلمان بو مهاجرلرنی قبول قیلیش مسألهسیده طالبلر بیلن کېلیشووگه اېریشگن. اوّلراق آلمان طالبلرنینگ ایکّی اعضاسینی برلیندهگی افغانستان اېلچیخانهسی و مونخدهگی افغانستان قنسوللیگیده هم قبول قیلگن.
