طالبلرنینگ فراهدهگی محلي عملدارلری بو ولایتده ۱۰ تُندن آرتیق گیاهوند مادّهلر یاقیب یوباریلگنینی معلوم قیلدی.
طالبلرنینگ فراه ولایتی امنیه قوماندانلیگی مطبوعات سوزلاوچیسی کریم الله ننگيالنینگ ایتیشیچه، مذکور مقداردهگی گیاهوند مادّهلر سۉنگگی۱۰ آی دوامیده ولایتنینگ تورلی حدودلریدن ییغیب آلینگن.
ننگيال ملي رادیو و تلویزیونیگه بېرگن صحبتیده عمومي آغیرلیگی ۱۰ تُنگه یېتگن۳۴ توردهگی گیاهوند مادّهلر یاقیب یوباریلگنینی ایتگن.
اونینگ سۉزلریگه کۉره، اوشبو مادّهلر آرهسیده افیون، شیشه، گیاهوندلیک تابلتلری، الکوللی ایچیملیکلر، نشه و «اومان» اۉسیملیگی بۉلگن.
طالبلر گیاهوند مادّهلرنی یېتیشتیریش، ایشلب چیقریش و سوداسینی تعقیقلهگن. بیراق اوشبو گروه تامانیدن تقدیم اېتیلگن آماری معلوماتلر، شونینگدېک، عامهوي اخبارات واسطهلری و بیرلشگن ملتلر تشکیلاتی بیلن باغلیق حساباتلر افغانستانده گیاهوند مادّهلر بازاری هنوز فعال اېکنینی کۉرستماقده.
طالبلر مطبوعات سوزلاوچیسی ذبیحالله مجاهد کېچه کابلدهگی مطبوعات انجمنیده اوشبو گروه ایچکی ایشلر وزیرلیگی اۉتگن هجري ییل دوامیده گیاهوند مادّهلرگه قرشی کورهش دایرهسیده ۴۶ مینگدن آرتیق عمیلیات اۉتکزگنینی ایتدی.
اونینگ ایتیشیچه، اوشبو چاره-تدبیرلر نتیجهسیده ۱۳ مینگ ۳۲۶کیشی حبسگه آلینگن و ۲ مینگ ۱۵۹تُن گیاهوند مادّهلر انیقلنیب، مصادره قیلینگن.
