افغانستان قزاقلرینینگ مدنیتی و هنرمندچیلیگی کۉرگزمهسی بوگون (پنجشنبه، ۱۲-سنبله) مملکت شِمالیدهگی بلخ ولایتیده اۉتکزیلدی.
کۉرگزمه «افغانستان قزاقلری مدني مرکزی» دېب اتهلووچی تشکیلات تامانیدن تشکیل اېتیلگن بۉلیب، اونینگ مقصدی افغانستانده یشاوچی قزاقلرنینگ هنرمندچیلیگی، قالینبافلیک صنعتی، مدنیتی و صنعتینی تنیشتیریش همده ترغیب قیلیشدن عبارت اېکنی ایتیلگن.
تشکیلاتچیلرنینگ تأکیدلشیچه، کۉرگزمه افغانستان قزاقلرینینگ مدنیتی و هنرمندچیلیگینی نمایش اېتیش بیلن بیرگه، اوشبو خلقنینگ مدني قدریتلرینی کېینگی اولادگه یېتکزیش امکانینی هم بېرهدی.
اولر طالبلر حکومتیدن مدني دستورلر اۉتکزیش آرقهلی افغانستان قزاقلرینینگ مدنیتی و قدریتلرینی اسرهب-اوهیلش همده رواجلنتیریشگه اعتبار قرهتیشنی سۉرهگن.
قزاقلر افغانستاندهگی اېتنیک گروهلردن بیری بۉلیب، اساسن مملکتنینگ شمالي ولایتلریده یشهیدی. افغانستان حکمدارلری اولرنینگ مدنیتی، تیلی و هنرمندچیلیگینی رواجلنتیریش همده قۉللب-قوّتلش بارهسیده کم حرکت قیلگن.
