سابق جمهور رئیس اۉرین باسری امرالله صالح باشچیلیگیده«قطعه سبز» طالبان بیلن تۉقنهشووده اونینگ اوچ نفر جنگچیسی لغمان ولایتی مرکزی مهترلام شهریده اولدیریلگنینی معلوم قیلدی.
مذکور قطعه بوگون (پنجشنبه، ۱۲-سنبله) نشر قیلگن بیاناتیده بو شخصلر اۉتگن هفته جمعه کونی مهترلام شهریدهگی «چهارراهی عصمت»ده هلاک بۉلگنینی بیلدیرگن.
«قطعهسبز» هلاک بۉلگنلردن بیرینینگ اسمی حبیبالله بۉلگنینی و او بۉلینمهنینگ لغمان ولایتیدهگی اۉپراتیف بۉلیمی اوچون مسوول بۉلگنینی معلوم قیلگن. بیراق قالگن ایکّی کیشینینگ اسمی و شخصیگه عاید معلوماتلر کېلتیریلمهگن.
قطعه بیاناتیگه کۉره، حبیبالله ۱۳۸۰-هجري شمسي ییلده توغیلگن و لغماننینگ فراشغان اولسواللیگیدهگی «نیلخان» قیشلاغینینگ اصلی اهالیسی بۉلگن.
«قعطه سبز» اوّلراق اۉتگن جمعه کونی مهترلام شهریدهگی عصمت چارراههسیده طالبلر مدافعه وزیرلیگیگه تېگیشلی «رنجر» روسوملی موترینی نشانگه آلگنی و تۉقّیز نفر طالبلر اعضاسینی اۉلدیرگنینی معلوم قیلگن اېدی.
مذکور قطعه بوگونگی بیاناتیده اوشبو هجومده طالبلرنینگ ۱۳نفر اعضاسی، جملهدن، «۲۰۱-قول اردو گارنیزیونی قوماندانی محمد اخلاص، حماس نامی بیلن تنیلگن محی الدین و قاری غنچهگل بدر» هلاک بۉلگنینی دعوا قیلگن.
طالبلرنینگ لغماندهگی محلي رسميلری حاضرچه بو بارهده ایضاح بېرمهگن.
