طالبلرنینگ بغلان ولایت والیسی دفترینینگ معلوم قیلیشیچه، اوشبو ولایتنینگ تاله و برفک اولسواللیگدهگی کانلردن بیریده تۉرت نفر کانچی گازدن زهرلنیب، جان بېرگن.
ولایت والیسی دفتری بوگون، یکشنبه ۱۵-سنبله نشر قیلگن بیاناتیده ایتیلیشیچه، ایشچیلر گازدن زهرلنگنیدن سۉنگ تاله و برفک اولسواللیگی شفاخانهسیگه آلیب کېتیلهیاتگن پیتده وفات اېتگن.
طالبلرنینگ بغلان ولایتی والیسی دفتری بیاناتیگه کۉره، هلاک بۉلگن تۉرت ایشچینینگ برچهسی ارزگان ولایتینینگ دایمي اهالیسی بۉلگن.
افغانستاندهگی کانلرده گازدن زهرلنیش حالتلری کۉپ مراتبه ایشچیلرنینگ حیاتیگه ضامن بۉلگن.
تخنیکي جهازلرنینگ یېتیشمسلیگی و ضرور خوفسیزلیک قاعدهلریگه رعایه قیلینمسلیگی بوندهی حادثهلرنینگ اساسي سببلری صفتیده کۉرستیلماقده.
