طالبلرنینگ لوگر ولایتیدهگی «امر به معروف و نهي از منکر» ادارهسی ۱۹۳ته موسیقی اسبابینی یاقیب یوبارگنینی معلوم قیلدی.
طالبلرنینگ لوگردهگی «امر به معروف و نهي از منکر» ادارهسی مطبوعات سوزلاوچیسی اکرام الله عزیزنینگ ایتیشیچه، اوشبو موسیقی اسبابلری بوگون (دوشنبه، ۱۸-سنبله) یاقیب یوباریلگن. اولر سۉنگگی بېش آی دوامیده ولایتنینگ تورلی حدودلریدن تۉپلنگن.
او موسیقی اسبابلرینی چهلیشنی ناقانوني و «اسلامي همده افغان قدریتلری»گه ضد عمل دېب اتهب، اهالیدن تۉیلر و باشقه مراسملرده موسیقی چهلیشدن تيیلیشنی سۉرهگن.
طالبلر سۉنگگی بېش ییل دوامیده مملکتنینگ تورلی ولایتلریده موسیقی اسبابلرینی ییغیب، یاقیب کېلماقده.
بو گروه، شونینگدېک، موسیقی تینگلش یاکه چهلیش عیبلاوی بیلن مملکت فقرالرینی تۉیلر و باشقه کۉنگیلآچر مراسملرده بیر نېچه بار حبسگه آلگن.
