بیرلشگن ملتلر تشکیلاتینینگ جمعیت صندیغی بلند مرتبهلی رسمیلری و جاپان خلقارا همکارلیک تشکیلاتی(جایکا) رسميلری افغانستانده قابلگی خدمتلرینی کوچهیتیریش، شونینگدېک، مملکت بۉیلب آنهلر سلامتلیگی و سلامتلیک احتیاجلرینی قاندیریش بارهسیدهگی همکارلیک مسألهلرینی محاکمه قیلدی.
افغانستان دنیادهگی آنهلر اۉلیمی اېنگ یوقاری بۉلگن مملکتلردن بیری بۉلیب، عیال شفاکارلر یېتیشماوچیلیگیدن اذیت چېکماقده. حاضرده اَیریم منطقهلرده عموماً عیال شفاکارلر یۉق. عینِ پیتده طالبلر قیزلرنینگ، جملهدن، طبیات یۉنهلیشلریده تعلیم آلیشیگه تعقیق قۉیگن.
بیرلشگن ملتلر تشکیلاتی و جاپان همکارلیک تشکیلاتی رسميلرینینگ ایتیشیچه، اولر افغانستان عیاللری، قیزلری و عایلهلریگه صفتلی طبي خدمتلر کۉرسهتیلیشی همده ساغلیقنی سقلش نتیجهلرینی یخشیلشنی قۉللب-قوّتلشگه بیرگهلیکده قطعي مجبوريت آلگن.
بیرلشگن ملتلر تشکیلاتی حساب-کتابلریگه کۉره، ۲۰۲۴-ییلده افغانستانده هر ۱۰۰ مینگ تیریک توغیلیش حالتیگه ۶۳۸ نفر آنهنینگ اۉلیمی تۉغری کېلگن. بو آسیادهگی اېنگ یوقاری کۉرستکیچ و دنیا بۉییچه یېتّینچی اېنگ یوقاری درجهدیر.
قیزلرنینگ تعلیم آلیشی تعقیقلنیشی همده عیال شفاکارلر، نرسلر همده قابلهلر یېتیشمسلیگی دوام اېتر اېکن، افغانستانده آنهلر اۉلیمی ینه-ده آشهدی. شو بیلن بیرگه، طالبلر اَیریم حدودلرده عیال بېمارلرنی اېرکک شفاکارلر تامانیدن دوالشنی هم تعقیقلهگن.
