جهان ساغلیقنی سقلش تشکیلاتی افغانستانده پولیو یاکه بالهلر فلجی بیلن کسللنیشنینگ ینه تۉرت حالتی قید اېتیلگنینی معلوم قیلدی. تشکیلات مملکتدهگی جمعی ایجابي حالتلر سانی ۲۳ تگه یېتگنینی بیلدیردی.
دنیا ساغلیقنی سقلش تشکیلاتینینگ ینگی گزارشیگه کۉره، ینگی حالتلر هلمند، کنر، نورستان و فراه ولایتلریده انیقلنگن.
جهان ساغلیقنی سقلش تشکلاتی معلوماتلریگه کۉره، جاري ییلده حاضرگچه افغانستانده آدملرده پولیو بیلن کسللنیشنینگ ۲۳ ته ایجابي حالتی و اطراف-محیطدن آلینگن ۷۶ ته ایجابي نمونه قید اېتیلگن.
حاضرده افغانستان دنیاده پولیو بیلن کسللنیش حالتلری اېنگ کۉپ قید اېتیلهیاتگن مملکت حسابلنهدی.
افغانستاندن کېینگی اۉرینده پاکستان تورهدی. بو مملکتده جاري ییلده آدملرده پولیو بیلن کسللنیشنینگ اوچته ایجابي حالتی و اطراف-محیطدن آلینگن ۱۲۷ ته ایجابي نمونه قید اېتیلگن.
۲۰۲۵-ییلده افغانستان و پاکستانده جمعی ۵۲ ته پولیو حالتی تصدیقلنگن. اولردن ۲۱ تهسی افغانستانده، ۳۱تهسی اېسه پاکستانده قید اېتیلگن.
افغانستان و پاکستان حاضرده پولیو بوتونلهی یۉق قیلینمهگن دنیادهگی یگانه مملکتلردیر. ایکّی دولت اۉرتهسیدهگی اهالی نینگ کۉچیشی، خصوصاً، پاکستاندن مهاجرلرنینگ چیقریب یوباریلیشی آرتیدن، ویروسنینگ ترقهلیشی خواطرلرنی کوچهیتیرماقده.
