امریکا قۉشمه ایالتلری جمهور رییسی دونالد ترامپ یمن حدودیدهگی ایران اتفاقچیسی بۉلگن و اروپا بیلن آسیا اۉرتهسیدهگی مهم دېنگیز قتناوی یۉلینی نظارت قیلهیاتگن حوثيلر واشنگتندن ارهلشمسلیکنی سۉرهگنینی ایتدی.
فرانس پرس خبرگزارلیگینینگ خبریگه کۉره، ترامپ شنبه کونی ایرلنديه پایتختی دوبلینگه سفری چاغیده ژورنالیستلرگه: «حوثيلر بیز بیلن باغلنیشدی و بیز بیلن اوروشیشنی ایستشمهیپتی»، دېگن.
او قۉشیمچه قیلیب: «اولر بیزنینگ اولرگه قرشی حرکت قیلیشیمیزنی ایستشمهیپتی»، دېگن.
ترامپ، شونینگدېک، «منطقهدهگی برچه ایشلر یخشی و اعلی درجهده رواجلنهدی»، دېب ایتگن.
ترامپ سعودی عربستانی ولیعهد شهزادهسی محمد بن سَلمان بیلن بۉلگن صحبتیگه هم توختهلیب، اونی اۉزینینگ «دۉستی» دېب اتهگن.
امریکانینگ اکسیوس نشری خبریگه کۉره، بن سَلمان پنجشنبه کونی ترامپ بیلن ایکّی مرته باغلنیب، حوثيلرگه قرشی امریکا هجوملرینی عملگه آشیریشنی سۉرهگن، بیراق امریکا جمهور رییسی بو طلبنی قبول قیلمهگن.
حوثيلر چقماق تېزلیگیدهگی اۉپراسیون دوامیده اوچته استراتژیک آرالنی اېگهللب آلگنیدن سۉنگ، یمننینگ قیزیل دېنگیز ساحللری همده باب المندب بۉغازی اوستیدن تۉلیق نظارتنی قۉلگه کیریتگن.
ایران هرموز بۉغازینی یاپیب، نفت تشیلیشینی ایزدن چیقرگنیدن سۉنگ، دنیادهگی اېنگ ییریک نفت اېکسپورتچیسی بۉلگن سعوديه عربستانی باب المندب بۉغازیگه تهیهنیب کېلگن.
حوثيلر، شونینگدېک، شو هفته کېنگ کۉلملی دران و راکت هجومی بیلن سعوديه عربستانینینگ نفت انشااتلرینی نشانگه آلگن.
