افغانستاننینگ تنیقلی خوانندهسی داوود سرخوش سرطان کسللیگیگه چهلینگنینی و حاضر «یخشی» بۉلگنینی ایتدی.
سرخوش بوگون کېچقورون (شنبه، 21-سنبله) نشر قیلینگن صحبتده: «احوالیم یخشی و سیزلر هم احوالیم یخشی اېکنیگه ایشا نینگلر»، دېدی.
سرخوشنینگ قۉشیمچه قیلیشیچه، کسللیک دوریده جراحلیک عملیاتینی باشدن کېچیرگن، نور بیلن دوالنگن و شیمیدرمانی آلگن. حاضر اېسه حیات نینگ اساسي صحنهسیگه قَیتیش جریانیده.
داوود سرخوش تخمیناً ایکّی ییل اوّل صحنهدهگی سۉنگگی چیقیشینی قیلگن و شوندن کېین باشقه صحنهگه چیقمهگن.
او بیر مدتدن سۉنگ کسل بۉلگنینی و معلوم وقت صحنه همده اجتماعي ترماقلردن اوزاقده بۉلیشینی ایتگن.
داوود سرخوش بیر نېچه کون اوّل هم مخلصلریگه مراجعت قیلیب، احوالی یخشی اېکنینی و اولر هم بونگه ایشانیشلرینی ایتگن.
