افغانستان و اۉزبېکستان یېنگیل صناعتی نینگ ایلک قۉشمه کۉرگزمهسی طالبلر گروهی و اۉزبېکستان حکومتی نمایندهلری اشتراکیده ترمذ خلقارا تجارت مرکزیده آچیلدی.
طالبلرنینگ صناعت و تجارت وزیرلیگی ترقهتگن بیاناتگه کۉره، کۉرگزمه سهشنبه کونی (۲۴سنبله) آچیلگن و اوچ کون دوام اېتیشی رېجهلشتیریلگن.
طالبلرنینگ صناعت و تجارت وزیری نورالدین عزیزي کۉرگزمهنینگ آچیلیش مراسمیده سۉنگگی ییللرده افغانستان و اۉزبېکستان سودا، ترانزیت و اقتصادي علاقهلرنی رواجلنتیریش بارهسیده مهم قدملر تشلهگنینی ایتدی.
اونینگ قۉشیمچه قیلیشیچه: «مقصد ایکّی دولت اۉرتهسیدهگی همکارلیکنی سودا المشینووی درجهسیدن قۉشمه ایشلب چیقریش، قۉشمه ترانزیتی، تأمینات زنجیرلرینی یرهتیش و اېکسپورتنی رواجلنتیریش باسقیچیگه آلیب چیقیشدیر».
اۉزبېکستان جمهور رییسینینگ افغانستان بۉییچه مخصوص نمایندهسی عصمتالله ایرگاشف هم اوشبو مراسمده اشتراک اېتدی.
طالبلرنینگ صناعت و تجارت وزیرلیگی بیاناتیگه کۉره، ایرگاشف افغانستان و اۉزبېکستان اۉرتهسیدهگی سودا و ترانزیت علاقهلرینی رواجلنتیریش همده کېنگهیتیریشگه اورغو بېردی.
کۉرگزمهده افغانستاندن قالین، زعفران، قیمتبها و یریم قیمتبها تاشلر، هنرمندچیلیک محصولاتلری، پخته، قوروق مېوهلر و کییم-کېچک کبی محصولاتلر ۱۰۰ دن آرتیق پاویلیونده نمایش اېتیلماقده.
