ساغلیقنی سقلش مسووللری ۲۰۲۵-ییل مارچ آییدن بویان افغانستانده ایدز یاکه آیو بیلن کسللنیشنینگ کمیده ۲۸۶ ته حالتی قید اېتیلگنینی معلوم قیلماقده.
اعلان قیلینگن آمارگه کۉره، فقط سۉنگگی بېش آی ایچیده ۸۶ ته ایجابي حالت انیقلنگن.
«طلوع نیوز» خبریگه کۉره، افغان–جاپان شفاخانهسی مسووللری ایدز بیلن کسللنیش حالتلری اوّلگی ییللرگه نسبتاً ایکّی برابر آشگنینی ایتگن.
افغان–جاپان شفاخانهسی نینگ اچآیوی بۉلیمی مسوولی محمدخان هدایتنینگ ایتیشیچه: «۲۰۲۲-ییلده بوتون ییل دوامیده ۸۱ نفر بېمارنی قید اېتگن اېدیک. اۉتگن ییلی اېسه بیر ییل ایچیده ۲۰۰ نفر بېمار قید اېتیلدی. سۉنگگی بېش آیده ۸۶ نفر بېمارنی قید اېتدیک».
اۉتگن ییلی اعلان قیلینگن آمارگه کۉره، ۲۰۲۵-ییل باشیدن اکتوبر آیینینگ آخریگچه ۸۲ مینگدن آرتیق کیشی ایدز بۉییچه تېستدن اۉتکزیلگن و اولردن ۳۰۰نفریده تېست نتیجهسی ایجابي چیققن.
اۉتگن ییلی بیرلشکت ملتلر تشکیلاتی ترقیات دستوری نینگ اچآیوی بۉییچه لایحه رهبری دینا پاتل گلوبل حساب-کتابلرگه کۉره، افغانستانده تخمیناً ۱۳مینگ کیشی اوشبو ویروس بیلن یشهیاتگنینی، بیراق اولرنینگ فقط بیر قِسمی انیقلنگنینی و کۉپلب بېمارلر اۉز حالتیدن بېخبر اېکنینی ایتگن اېدی.
اونینگ سۉزلریگه کۉره، ایجابي حالتلرنینگ اکثریتی عمومي سرنگدن فایدهلنهدیگن گیاهوند مادّهلر استعمالچیلری همده محبوسلر آرهسیده قید اېتیلگن.
بیرلشگن ملتلر تشکیلاتی رسميسینینگ ایتیشیچه، ۱۹۸۹-ییلده افغانستانده بیرینچی اچآیوی حالتی قید اېتیلگنیدن بویان حاضرگچه ۴۰۰ کیشی اوشبو کسللیک سببلی حیاتدن کۉز یومگن.
شفاکارلرنینگ ایتیشیچه، ایدز ویروسلی کسللیک بۉلیب، قان آرقهلی، جنسي علاقه یۉلی بیلن همده آنهدن بالهگه یوقیشی ممکن.
حاضرچه اوشبو کسللیک نینگ تۉلیق دواسی موجود اېمس، بیراق تېگیشلی طبي یاردم و دوالش بیلن اونی نظارت قیلیش ممکن.
