طالبلر مدافعه وزیرلیگی قطر ملي خوفسیزلیک کېنگشی رئیسی اۉرینباسری «حمد بن خمیس الکبیسی» نینگ افغانستانگه سفری چاغیده اوشبو گروه مدافعه وزیری محمد یعقوب مجاهد بیلن اوچرهشگنینی معلوم قیلدی.
وزیرلیک بوگون کېچقورون (چهارشنبه، ۲۵-سنبله) ایکس اجتماعي ترماغیده بیانات نشر قیلیب، اوشبو اوچرهشوو حقیده خبر بېردی.
طالبلر مدافعه وزیرلیگینینگ معلوم قیلیشیچه، تامانلر تورلی ساحهلرده «دۉستانه مناسبتلرنی ینه-ده مستحکملش» مسألهسینی محاکمه قیلگن و قۉشیمچه همکارلیک بارهسیده بیر-بیرلرینی ایشانتیرگن.
وزیرلیک مذاکرهلر تفصیلاتلرینی معلوم قیلمهگن.
قطرنینگ اوشبو خوفسیزلیک رسميسی بیلن بیر وقتده تورکيه استخبارات خدمتی باشلیغی ابراهیم کَلین هم کابلگه تشریف بویورگن. حاضرگچه طالبلر اونینگ ایچکی ایشلر وزیری سِراج الدین حقّاني بیلن اوچرهشگنینی معلوم قیلگن.
ایکّی دولت خوفسیزلیک رسميلرینینگ کابلگه سفری و طالبلر بیلن اوچرهشوولریدن کۉزلنگن مقصد حاضرچه انیق اېمس.
تورکيه و قطر اوّلراق طالبلر و پاکستان اۉرتهسیدهگی تینچلیک مذاکرهلریده واسطهچیلیک قیلگن اېدی. بیراق بو مذاکرهلر تامانلر اۉرتهسیده دایمي صلح اۉرنهتیلیشی و اوروشنی توگهتیش تۉغریسیده کېلیشوو امضالنیشیگه آلیب کېلمهگن.
