بویوک بریتانياده افغانستانلیک بیر اېرکک ایکّی کیشی اۉسمیر قیزنی زۉرلهگنلیکده عیبلنیب، ۱۴ییلگه آزادلیکدن محروم اېتیلدی.
۲۹ یاشلی بو اېرککنینگ اسمی «بکتاش سلطانی» اېکنی ایتیلماقده. او منچستر کتّه حدودیدهگی بالتان شهریده بۉلیب اۉتگن محکمهده کۉریب چیقیلیب، قماق جزاسیگه حکم قیلینگن.
او۱۴ یاشلی ایکّی قیزنی «جورجینا کورت» منطقهسیدهگی اوییگه تکلیف قیلگنی و اولرنی الکوللی ایچیملیک ایچیشگه اوندهگنی، قیزلر «هوشیارلیک و بېهوشلیک اۉرتهسیدهگی حالتده» بۉلگن پیتده اېسه اولرنی زۉرلب، جنسي تجاوز قیلگنی حقیده عیبلنگن.
بیبیسی خبریگه کۉره، افغانستاندن بۉلگن بو اېرکک ایلگری افغانستانده بریتانيه کوچلری بیلن همکارلیک قیلگن. او ایکّی قیزنی زۉرلهگنیدن سۉنگ واقعه جاییدن قاچیب کېتگن، بیراق ایکّی کوندن کېین اکهسینینگ اوییدن قۉلگه آلینگن.
اوشبو منبعگه کۉره، بکتاش تۉرت هفته دوام اېتگن محکمه جریانیدن سۉنگ ایکّی بند بۉییچه زۉرلش، بیر بند بۉییچه جنسي تجاوز بیلن زۉرلشده عیبدار دېب تاپیلگن.
ایش بۉییچه محکمه اونینگ افغانستانده بریتانيا اوردوسی بیلن همکارلیک قیلگنی بریتانيا تامانیدن افغانستانگه دېپورت قیلینیشیگه تۉسقینلیک قیلیشی ممکنلیگینی بیلدیرگن.
بکتاش طالبلر افغانستانده حاکمیتنی قَیته اېگهلهگنیدن سۉنگ مملکتنی ترک اېتگن و ایکّی ییل اوّل بویوک بریتانياگه کۉچیب کېلگن.
