امریکا اوردوسینینگ مرکزی قوماندانلیگی (سنتکام) ایران دېنگیز قملی قَیته باشلنگنیدن بېری ۱۰۵ ته کېمهنی اۉز یۉنهلیشینی اۉزگرتیریشگه مجبور قیلگنینی معلوم قیلدی.
(سنتکام) جمعه کونی، ۲۷ سنبله ایکس اجتماعي ترماغیده نشر قیلگن بیاناتیده، اونینگ کوچلری ایراننینگ دېنگیز قملینی دوام اېتتیرهیاتگنینی بیلدیرگن.
امریکا۶۶ کون اوّل اېراننی «اسلام آباد کیلیشووینی» بوزگنلیکده همده هرمز بۉغازیده تجاري کېمهلرگه هجوم قیلگنلیکده عیبلب، بو مملکتگه قرشی دېنگیز قملینی قَیته تیکلهگن.
سنتکام هېچ بیر کېمهگه ایران بندرلریگه کیریش یاکه بندرلردن چیقیشگه رخصت بېرمهیاتگنینی معلوم قیلدی.
امریکا تامانیدن دېنگیز قملی قَیته جاري اېتیلگنیدن سۉنگ، ایران هم هرمز بۉغازی یاپیق اېکنینی و کېمهلر فقط ایران حربي-دېنگیز کوچلری تامانیدن بېلگیلنگن یۉنهلیش آرقهلی خوفسیز اۉتیشی ممکنلیگینی اعلان قیلدی. بیراق امریکا رسميلری هرمز بۉغازی آچیق اېکنینی و کېمهلر امریکا کۉمهگیده اوشبو خلقارا سوو یۉلیدن اۉتیشی ممکنلیگینی اَیتماقده.
