محلي منبعلرنینگ طالبلر کوچلری بیلن پاکستان چېگره قۉریقچیلری اۉرته‌سیده پکتیکا ولایتی‌نینگ دند پتام و زازی‌آریوب اولسواللیکلری‌نینگ چېگره حدودلریده تۉقنه‌شوو یوز بېرگنینی خبر قیلماقده.
منبعلرگه کۉره، تۉقنه‌شوو بوگون (شنبه، ۲۵ میزان) ساعت تخمیناً ۴:۰ده باشلنگن و حاضرگچه دوام اېتماقده.
منبعلر ایکّی تامان هم یېنگیل و آغیر قوراللردن فایده‌لنه‌یاتگنینی اَیتماقده.
دند پتام اولسواللیگیده‌گی بیر منبع «اطلاعان روز» گزیته‌سیگه پاکستان تامانیدن آتیلگن اَیریم راکت‌لر اهالی یشه‌یدیگن حدودلرگه کېلیب توشگنینی بیلدیرگن.
منبع نینگ ایتیشیچه، اوشبو تۉقنه‌شوو اولسواللیکده‌گی عایله‌لرنی آغیر وضعیتگه دچار قیلگن.
طالبلرنینگ محلي مسووللری حاضرگچه بو تۉقنه‌شوو یوزه‌سیدن ایضاح بېرمه‌گن.
طالبلر و پاکستان سۉنگگی بیر ییل دوامیده چېگره حدودلریده بیر نېچه بار تۉقنه‌شگن.
شونینگدېک، پاکستان اوردوسی طالبلر بیلن کېلیشماوچیلیکلر کوچه‌یگنیدن کېین افغانستان‌نینگ تورلی ولایتلریده‌گی نشانلرگه بیر نېچه بار هوا هجوملری اویوشتیرگن.
بیرلشگن ملتلر تشکیلاتی معلوماتلریگه کۉره، سۉنگگی بیر ییل ایچیده پاکستان‌نینگ افغانستان‌گه اویوشتیرگن هجوملری عاقبتیده ۵۰۰ دن آرتیق کیشی هلاک بۉلگن.
