کابل–جلال آباد عمومی قتناوو یۉلیده یوز بیرگن ترافیک حادثهسی عاقبتیده ایکّی کیشی هلاک بۉلدی، ینه سکّیز کیشی یرهلندی.
طالبلرنینگ لغمان ولایتی امنیه قوماندانلیگی مطبوعات سوزلاوچیسی محمد یونس یوسفزينینگ ایتیشیچه، اوشبو حادثه تیناوون (سهشنبه، ۱۹ عقرب) کابل–جلالآباد عمومی قتناوو یۉلی نینگ قرغهای اولسواللیگیدهگی «مشله-کمر» حدودیده صادر بۉلگن.
اونینگ سۉزلریگه کۉره، اوچته یېنگیل موتر نینگ کېتمه-کېت تۉقنهشووی عاقبتیده ایکّی کیشی اۉلگن و ینه سکّیز کیشی یرهلنگن.
تأکیدلش جایزکی، بوندن بیر نېچه کون اوّل هم کابل–جلال آباد ترافیک یۉلینینگ «مشله-کمر» حدودیده صادر بۉلگن ترافیک حادثهسی عاقبتیده بیر عایله نینگ یېتّی نفر اعضاسی، جملهدن، بېش باله هلاک بۉلگن اېدی.
موجود معلوماتلرگه کۉره، سۉنگگی سکّیز آی دوامیده لغمان ولایتی مرکزی، تومنلری و کابل–جلالآباد قتناوو یۉلیده صادر بۉلگن ۲۸ ته ترافیک حادثهسی عاقبتیده ۶۷ کیشی هلاک بۉلگن، ینه ۱۸۸ کیشی یرهلنگن.
افغانستانده ترافیک حادثهلری هر ییلی یوزلب انسانلر نینگ حیاتیگه ضامن بۉلماقده و یوزلب کیشیلرنی جراحتلهماقده.
اوشبو حادثهلر نینگ اکثریتیگه هیداوچیلر نینگ احتیاطسیزلیگی، یۉللرنینگ ناسازلیگی همده یۉل حرکتی بېلگیلری نینگ موجود اېمسلیگی سبب بۉلهیاتگنی ایتیلهدی.
