طالباننینگ بلخ ولایتی والیسی ادارهسی، تورکمنستاندن شمالي افغانستاندهگی زلزله زیان کۉرگنلر اوچون یوباریلگن انسانپرورلیک یاردمی بلخ ولایتیگه یېتیب کېلگن.
اوشبو دفترنینگ اعلان قیلگن بیاناتیگه کۉره، طالبان نمایندهلری اوشبو یوکنی بوگون (شنبه، ۱۷ عقرب) آقینه بندریده قبول قیلیشگن.
بلخ ولایتی طالبان والسینینگ ادارهسی معلوماتیگه کۉره، بو یاردم آزیق-طعام و آزیق- آوقت بۉلمهگن محصولاتلردن عبارت بۉلیب، عمومي قیمتی۳۴میلیون افغانینی تشکیل قیلهدی.
بلخ ولایتیده طالبلر والیسی اۉرینباسری نورالهادیرابوادریس اوشبو یاردم اوچون منّتدارچیلیک بیلدیریب، تورکمنستان بیلن همکارلیکنینگ دوام اېتیشینی سۉرهگن.
مزار شریفدهگی تورکمنستان باش قنسولی بازار بای کعبهیوف اېسه اوشبو یاردم مملکتینینگ انسانپرورلیک تمایللری و قۉشنی دولتلرگه نسبتاً مسوولیتینی عکس اېتتیرهدی، دېب تأکیدلهگن.
اۉتگن هفتهنینگ یکشنبه کېچهسیده۶.۳ریشتر زلزله شمالي ولایتلرنی تیترهدی و اېنگ کتّه ضرر و قربانلیکلر سمنگان و بلخ ولایتلریده کوزهتیلدی.
اوچانینگ معلوماتلریگه کۉره، بو زلزله نتیجهسیده۲۵ کیشی هلاک بۉلگن،۹۸۴ کیشی اېسه یرهلندی.
