پاکستاننینگ افغانستان بۉییچه سابق مخصوص نمایندهسی آصف درانی طالباننینگ تهراندهگی منطقوي ییغیلیشگه قتنهشمسلیگینی اوشبو گروهنینگ سیاسي یېتوک اېمسلیگینی کۉرستهدی، دېب حسابلهیدی.
دارنی بوگون (شنبه،۲۲ قوس) ایکس ترماغیده یازیشیچه، بو قرار طالباننینگ معین مسأله بۉییچه مذاکره قیله آلمهسلیگینی تصدیقلهیدی.
اونینگ قۉشیمچه قیلیشیچه، طالبان فقط «یۉق-مېن قبول قیلمهیمیز» تمایلی بیلن حرکت قیلماقده، بو اېسه پسیف یاندشوو بۉلیب، جدّي معمالرنی حل قیلمهیدی.
طالبلر تشقی ایشلر وزیرلیگی بوگون تهراندهگی منطقوي ییغیلیشگه قتنهشمسلیگینی اعلان قیلگن.
وزیرلیک قتنهشمسلیک سببینی انیق کۉرسهتمهگن، اما ایتیشیچه، اولر منطقوي تشکیلاتلر و ایکّی تامانلهمه میکانیزملر آرقهلی منطقه دولتلری بیلن فعال علاقهلرگه اېگه.
تهران اوشبو هفته افغانستان بۉییچه منطقوي ییغیلیشگه مېزبانلیک قیلیشی کوتیلماقده.
ایران تشقی ایشلر وزیرلیگینینگ ایتیشیچه، ییغیلیشگه پاکستان، تاجیکستان، اۉزبېکستان، تورکمنستان، چین و روسيه دولتلرینینگ افغانستان بۉییچه مخصوص وکیللری اشتراک اېتهدی.
