آستراليا پولیسی نیو ساوت ولز ایالتیده باندی ساحلده یوز بېرگن آتیشمهده کمیده۱۰ کیشی هلاک بۉلگنینی تصدیقلهدی.
اسبیاسنیوز، خبریگه کۉره، پولیس هلاک بۉلگنلر تۉقّیز نفر تینچ اهالی و بیر هجومچینی اۉز ایچیگه آلهدی دېگن.
مذکور منبعگه کۉره، کمیده۱۲ کیشی جراحت آلیب، شفاخانهگه یاتقیزیلگن.
آتیشمه آسترليالیک یهوديلر باندی ساحلیده « هانوکا» بیرهمینی نشانلش اوچون تۉپلنگن وقتیده صادر بۉلگن.
اسبیاسنیوزنینگ یازیشیچه، ترقهتیلگن تصویرلرده کۉپریکدن آدملر تامان اۉق اوزیلهیاتگنینی کۉریش ممکن.
آسترالیا پولیسی آلدینراق هجوم جاییدن ایکّی کیشینی حبسگه آلگنینی اعلان قیلگن.
آستراليا باش وزیری آنتونی آلبانیزی اوشبو آتیشمنی «لرزهگه سالووچی» دېب اتهب، قربانلرنینگ عایلهلریگه همدردلیک بیلدیردی.
اسراییل پرزیدنتی اسحاق هرترزوگ اوشبو هجومنی قارهلب، آستراليا حکومتینی یهوديلرگه قرشی نفرت بیلن کورهشیشگه چقیردی.
حاضرگچه هجوم نینگ انگیزه و عملگه آشیرووچیلری حقیده معلومات انیقلنمهگن.
