طالباننینگ سمنگان ولایتیدهگی امنیه قوماندانلیگی خبریگه کۉره، اوشبو ولایتنینگ حضرت سلطان تومنیده یوز بېرگن ترافیک حادثهسی عاقبتیده اوچ کیشی، جملهدن ایکّی عیال، هلاک بۉلگن، بېش کیشی، جملهدن بیر عیال یرهلنگن.
سمنگان ولایتیده طالبلر امنیه قوماندانلیگی مطبوعات سۉزلاوچیسی حشمتالله رحمانینینگ ایتیشیچه، حادثه بوگون (دوشنبه،۲۴ قوس) اېرتهلب «غزنیگک» قیشلاغیده یوز بېرگن.
حادثه «سراچه» توریدهگی موتر بیلن «تیلر» توریدهگی ترانسپورت واسطهسی تۉقنشووی نتیجهسیده یوز بېرگن دېب قۉشیمچه قیلدی او.
یرهلنگنلر سمنگان ولایت کسلخانهسیگه دوالنیش اوچون یېتکزیلگن.
سۉزلاوچی حادثهده جراحت آلگنلرنینگ احوالی و حادثه نینگ سببلری حقیده معلومات بېرمهگن.
افغانستانده ترافیک حادثهلری هر ییلی یوزلب آدملرنینگ حیاتیگه ضامن بۉلیب، یوزلب کیشینی یرهلنتیرهدی.
بوندهی حادثهلر اساسن هیداوچیلرنینگ بې احتیاطلیگی، یۉللرنینگ یامانلیگی و یۉل بېلگیلری یېتیشمسلیگی بیلن ایضاحلنهدی.
