امریکا قوراللی کوچلر مرکزي قوماندانلیگی(سنتکام) نینگ معلوم قیلیشیچه، سوريه شمالي-غربیده اۉتکزیلگن هجومده «بلال جاسم الحسن» «القاعده» قوماندانلریدن بیری، اۉلدیریلگن.
(سنتکام) نینگ بیاناتیده ایتیلیشیچه، اوشبو «القاعده» قوماندانی دسامبر آییده سوريهنینگ پالمیرا شهریده امریکالیک کوچلرگه هجوم قیلگن داعش جنگچیسی بیلن بېواسطه علاقهگه اېگه بۉلگن.
(سنتکام) « بلال جاسم الحسن»نی «تجربهلی ترورچی» دېب تعریفلهگن و او امریکالیک و سوريهلیک کوچلرگه قرشی هجوملرنی رېجهلشتیرگنینی بیلدیرگن.
اۉتگن ییل 13 دسامبرده داعش جنگچیسی سوريهده امریکالیک کوچلرگه هجوم قیلگن بۉلیب، نتیجهده ایکّی حربي و بیر تینچ اهالی هلاک بۉلگن. (سنتکام) بو هجومگه جوابن سوريهده کېنگ قمراولی عملیات اۉتکزگنینی و داعش نینگ 100 دن آرتیق زیر ساختی مرکزی و قورال انبارلرینی نشانگه آلگنینی معلوم قیلگن.
