طالبلر ترانسپورت هو یۉللر وزیرلیگی افغانستان، ایران و تاجیکستان اۉرتهسیده قوروقلیک ترانزیت یۉلهگینی تشکیل اېتیش بۉییچه کېلیشووگه اېریشیلگنینی معلوم قیلدی. مذکور تشبث اوچ دولت اۉرتهسیده ترانزیتنی رواجلنتیریش و ترانسپورت ساحهسیدهگی همکارلیکنی کوچهیتیریشگه قرهتیلگن.
وزیرلیک بوگون، پنجشنبه، ۲۵-سرطان، اعلان قیلگن بیاناتگه کۉره، کېلیشوو ایران نینگ مشهد شهریده اۉتکزیلگن اوچ تامانلهمه ییغیلیشده امضالنگن.
کېلیشووگه موافق، ایران و تاجیکستان یوکلرینی افغانستان توپراغی آرقهلی ترانزیت قیلیش امکانیتی یرهتیلهدی.
طالبلر ترانسپورت و هوا یۉللری وزیرلیگینینگ معلوم قیلیشیچه، ییغیلیشده وزیرلیک نینگ قوروقلیک ترانسپورتی قانونلری و شرطنامهلری باشقرمهسی باشلیغی یارمحمد رمضان اشتراک اېتگن.
ایران یېتکرمهلری هم اوشبو یۉنهلیشده کېلیشوو امضالنگنینی خبر قیلگن. حجتنی ایران یۉل خۉجهلیگی ترانسپورت تشکیلاتی باشلیغی همده ترانسپورت وزیری اۉرینباسری رضا اکبری، تاجیکستان ترانسپورت وزیری اۉرینباسری شایسته سعیدمرادزاده و طالبلر ترانسپورت وزیرلیگینینگ قوروقلیک ترانسپورتی قانونلری و شرطنامهلری ادارهسی باشلیغی یارمحمد رمضان امضالهگن.
