بیرلشگن ملتلر تشکیلاتینینگ افغانستاندهگی یاردم ادارهسی (یوناما) انسان حقوقلری بۉییچه حساباتیده قید اېتیلیشیچه، طالبلر هرات ولایتیده عیاللر و قیزلرنینگ کيینیشی سبب حبسگه آلینیشیگه قرشی نمایش قیلگن کمیده۱۷ نفر نمایشچینی حبسگه آلگن.
گزارشده حبسگه آلینگنلرنینگ کېینگی تقدیری حقیده معلومات بېریلمهگن.
(۱۹جوزا) کونی هراتنینگ هزارهلر یشهیدیگن جبریل منطقهسیده بیر گروه اهالی عیاللر و قیزلرنینگ کيینیشی سبب حبسگه آلینیشیگه قرشی ناراضیلیک نمایشی اۉتکزگن. یوناما معلوماتیگه کۉره، طالبلرنینگ شخصی کییمیدهگی خادملری نمایشچیلرنی کلتکلهی باشلهگچ و اولرگه قرهته اۉق اوزگچ، نمایش زۉروانلیککه ایلنگن.
گزارشده ایتیلیشیچه، طالبلر کوچلری اۉق آتیشی عاقبتیده بیر نفر اۉسمیر هلاک بۉلگن، نمایشچیلرنینگ بیر قِسمی کلتکلنگن و اۉققه توتیلگن. نتیجهده کمیده تۉرت کیشی یرهلنگن.
۲۶-جوزا کونی هراتدهگی محلي منبعلر جبریلدهگی نمایشلرده یرهلنگنلردن بیری – مرتضی کریمی آلگن جراحتلری عاقبتیده وفات اېتگنینی خبر قیلگن.
یوناما گزارشیده مرتضی کریمینینگ وفاتی تیلگه آلینمهگن. تشکیلات اونینگ وفاتیدن آلدین بیر نفر نمایشچینینگ اۉلدیریلگنینی تصدیقلهگن اېدی.
یونامانینگ قید اېتیشیچه، اوشبو ناراضیلیک نمایشلریدن سۉنگ طالبلر استخبارات خدمتی نظارت پوستهلرده یشاوچیلرنینگ مبایل تېلفونلرینی تېکشیرگن همده تیلفونیده نمایشلرگه عاید ماتریاللر بۉلگن شخصلرنی حبسگه آلیب، سۉراق قیلگن.
