طالبلرنینگ جوزجان ولایتی امنیه قوماندانلیگی بلخ–جوزجان یۉلیده یوز بیرگن ترافیک حادثه‌ده ایکّی کیشی هلاک بۉلگنی و ینه بیر کیشی یره‌لنگنینی معلوم قیلدی.
طالبان نینگ جوزجان ولایتی آمینه قوماندانلیگی‌‌نینگ مطبوعات سوزلاوچیسی عبدالستّار حلیمي اوشبو حادثه بوگون (سه‌شنبه، ۱۲ عقرب) فیض آباد اولسواللیگی‌نینگ «سه‌درخت» منطقه‌سیده صادر بۉلگنینی ایتدی.
اونینگ قۉشیمچه قیلیشیچه، حادثه وقتیده «کرولا» روسوملی موتر یۉلدن چیقیب کېتیب، اغدریلیب کېتگن.
حلیمي حادثه‌گه هیداوچی‌نینگ احتیاطسیزلیگی و یوقاری تېزلیکده حرکتلنگنی سبب بۉلگنینی ایتگن.
افغانستان‌ده ترافیک حادثه‌لری هر ییلی یوزلب کیشی‌نینگ حیاتیگه ضامن بۉلیب، یوزلب آدملرنی جراحتله‌یدی.
بونده‌ی حادثه‌لر نینگ اکثریتیگه هیداوچیلرنینگ احتیاطسیزلیگی، یۉللرنینگ ناسازلیگی و یۉل حرکتی بېلگیلری نینگ یېتیشمسلیگی سبب بۉله‌یاتگنی ایتیله‌دی.
ا
