طالبلر نظارتیدهگی افغانستان طبيعي آفتلرنی باشقریش ملي ادارهسی نیمروز صحرالریده ایران سری ناقانوني یۉل آلگن پیتده هلاک بۉلگن۱۹ کیشی افغانستان وطنداشینینگ هر بیر عایلهسیگه ۲۰ مینگ افغاني مقداریده یاردم اجرهتیلگنینی معلوم قیلدی.
اداره مطبوعات سۉزلاوچیسی اۉرینباسری تاج محمد هِمت دوشنبه کونی (۱۲ اسد) ایکس اجتماعي ترماغیده اعلان قیلگن ویدېو صحبتیده اوشبو یاردم حقیده معلوم قیلدی.
تخمیناً ایکّی هفته اوّل ایرانگه ناقانوني یۉل بیلن اۉتیشگه اورینگن۱۹ کیشیلیک گروه نیمروز ولایتی صحرالریده بېدرَک یۉقالگندی.
اولرنینگ بېش نفری جسدی۲۵ سرطان کونی «مارگو» صحراسیدن تاپیلگن، قالگن۱۴ نفری نینگ جسدی اېسه اۉتگن هفته آخریده «لالو» صحراسیدهگی قوم تېپهلردن تاپیلدی.
افغانستانده قشّاقلیک و ایشسیزلیک نینگ کوچهییشی، شونینگدېک ایران ویزهلرینی عادتي ترتیبده بېریش جریانی نینگ تۉختشی کۉپلب یاشلرنی ایش ایزلب ناقانوني و خوفلی یۉللر آرقهلی ایرانگه باریشگه مجبور قیلماقده.
اوّل هم ایرانگه ناقانوني یۉل آلگن افغانستان وطنداشلرینینگ صحرالرده هلاک بۉلیشی بیلن باغلیق کۉپلب فاجعهلی حادثهلر قید اېتیلگن.
