«افغانستان آزادلیک جبههسی» بدخشان ولایتینینگ زیباک اولسواللیگیده اونینگ کوچلری بیلن طالبلر اۉرتهسیده ینگی تۉقنهشوو یوز بېرگنینی معلوم قیلدی.
اوشبو جبهه بوگون (چهارشنبه،۴سنبله) نشر قیلگن بیاناتیده تۉقنهشوو تیناوون توشدن کېین باشلنگنینی و ساعت۱۰:۰۰گچه دوام اېتگنینی ایتگن.
«افغاستان آزادلیک جبههسی»نینگ دعوا قیلیشیچه، تۉقنهشووده کمیده۱۰ کیشی طالبلر اعضاسی اۉلدیریلگن و ینه آلتی نفری یرهلنگن.
جبههنینگ قۉشیمچه قیلیشیچه، هلاک بۉلگن و یرهلنگنلر آرهسیده بیر قطار «خارجي ترورچیلر» هم بۉلگن.
«افغانستان آزادلیک جبههسی» قریب بیر آی آلدین هم بدخشاننینگ زیباک اولسواللیگیده طالبلرگه قرشی هجوملر اویوشتیریب، اولسواللیکدهگی اَیریم حدودلرنی اېگهلهگنینی دعوا قیلگن.
طالبلر آلدین زیباکده «افغانستان آزادلیک جبههسی» کوچلری بیلن یوز بېرگن دستلبکی تۉقنهشوونی تصدیقلهگن، بیراق اوندن کېینگی تۉقنهشوولرنی تصدیقلهمهگن.
