۲۰۲۱-ییل اگست آییده کابل خلق ارا قۉنالغهسی کیریش قِسمیده صادر بۉلگن قانلی هجومنینگ بېش ییللیگی مناسبتی بیلن امریکا مدافعه وزیرلیگی نینگ کتّه مصلحتچیسی شان پارنل اوشبو وزیرلیک نینگ تېرگاو گروهی هجوم بیلن باغلیق مخفي حجتلرنی انیقلهگنینی معلوم قیلدی.
او بوگون (چهارشنبه، ۴-سنبله) ایکس ترماغیده ویدیو نشر قیلیب، اوشبو حجتلر اوّلراق آشکار قیلینیشی کېرهک بۉلگنینی، بیراق تاپیلمهسلیگی اوچون صندوقلرده یشیریلگن و سقلنگنینی ایتدی.
امریکا مدافعه وزیرلیگی نینگ کتّه مصلحتچیسینینگ قۉشیمچه قیلیشیچه، مخصوص هیئت تامانیدن حجتلر تاپیلیب، اۉرگنیلگنیدن سۉنگ، «کیمدیر نیمه سببدن اولرنی یشیریشگه اورینگنی معلوم بۉلگن».
بیراق شان پارنل اوشبو مخفي حجتلرنینگ مضمونینی مدتیدن آلدین آشکار قیلیشنی ایستهمسلیگینی ایتدی.
او شوندهی دېدی: «مېن سیزلرگه حقیقت نینگ قولهی و معقول بۉلگن تلقینینی تقدیم اېتماقچی اېمسمن. شونینگدېک، شاشمه-شاشرلیک بیلن خلاصه هم بېرمهیمن. مېنینگ مجبوريتیم شوکی: بیز دلیللر قهیېرگه آلیب بارسه و کیمگه یېتهکلهسه، اۉشه یۉنهلیشده تېرگاونی دوام اېتتیرهمیز. تۉلیق بۉلمهگن، قولهی یاکه ایستهلگن جوابلرنی قبول قیلمهیمیز.»
اۉتگن ییلی، اوشبو هجوم نینگ تۉرت ییللیگی مناسبتی بیلن امریکا مدافعه وزیری پیت هگست افغانستاندهگی اوروش فخريلریدن بیری بۉلگن شان پارنل نی کابل قۉنالغهسیگه اویوشتیریلگن هجومنی تېکشیرووچی هیئت رئیسی اېتیب تعیینلهگن اېدی.
هگست شوندهی دېگن اېدی: «امریکا افغانستانده صادر بۉلگن واقعهلر حقیده جواب آلیشگه حقلی. حربيلر یوز بېرگن واقعهلر اوچون جواب بېریشی کېرهک.»
۲۰۲۱-ییل ۲۶-اگستده امریکا و ناتو کوچلرینی افغانستاندن تخلیه قیلیش عملیاتیی دوامیده کابل خلق ارا قۉنالغهسی نینگ «ابی گیت» دروازهسی یقینیده کوچلی پارتلش صادر بۉلدی. هجوم عاقبتیده۱۳ کیشی امریکالیک حربي و۱ نفردن آرتیق افغان فقراسی هلاک بۉلدی.
طالبلر افغانستانده قَیته حاکمیتنی اېگهلهگنیدن راپپه-راسه۱۱ کون اۉتیب صادر بۉلگن اوشبو هجوم اوچون جوابگرلیکنی «اسلامي دولت» (داعش) گروهی اۉز ذمّهسیگه آلگن.
