طالبلرنینگ عالي محکمهسینینگ معلوم قیلیشیچه، اوشبو گروهنینگ ملکی قماقخانهلریدن۳مینگ۹۸۰ نفر محبوس، حربي قماقخانهلریدن اېسه ینه۲۶۹ نفر محبوس آزاد قیلینگن.
طالبلر عالي محکمهسی نینگ بوگون (پنجشنبه،۵-سنبله) نشر قیلگن بیاناتیده ایتیلیشیچه، بو شخصلر «فتح کونی» مناسبتی بیلن عفو اېتیلگن. طالبلر ۲۴-اسد کابل نینگ اوشبو گروه قۉلیگه اۉتگن کوننی «فتح کونی» دېب اتهگن.
طالبلر عالي محکمهسی بیاناتیگه کۉره، اوشبو کون مناسبتی بیلن ملکی قماقخانهلریدهگی۳مینگ۹۹۳ نفر، حربي قماقخانهلردهگی ینه ۵۷ نفر محبوس نینگ قماق مدتلری قیسقرتیریلگن.
محکمه محبوسلرنی انیقلش و رۉیخطگه آلیش اوچون مخصوص هیئت تعیینلنگنینی معلوم قیلگن.
طالبلر رسميلری اوّلراق اوشبو اداره نظارتیدهگی قماقخانه و حبسخانهلریده۲۰ مینگدن آرتیق کیشی سقلنهیاتگنینی بیلدیرگن اېدی.
طالبلر اساسن اۉز مخالفلری و تنقیدچیلرینی حربي قماقخانهلرده سقلهیدی.
اوشبو گروه بېش ییل اوّل افغانستاننی اېگهللب آلگن پیتده قماقخانهلر اېشیکلرینی آچیب، برچه محبوسلرنی آزاد قیلگن اېدی. بیراق سۉنگّی بېش ییل ایچیده قماقخانهلر ینه طالبانلر تامانیدن تۉلدیریلگن.
