قندهاردهگی منبعلرنینگ معلوم قیلیشیچه، طالبلرنینگ امر به معروف خادملری «هیواد» و «زما قندهار» رادیولرینینگ سکّیز نفر ژورنالیستی، باشلاوچیسی و تخنیکي خادیمینی بیر نېچه ساعتگه حبسگه آلگن.
منبعلرگه کۉره، بو شخصلر دستورلر دوامیده اَیریم «مامقبول سۉزلر»دن فایدهلنگنی، سقاللرینی قیسقرتیرگنی و ساچلری اوزون بۉلگنی سببلی طالبلرنینگ امر به معروف باشقرمهسیگه آلیب کېتیلگن.
منبعلرنینگ ایتیشیچه، اوشبو ایکّی یېتکرمه خادیمی چهارشنبه کونی کېچقورون (۴ سنبله) کفالت عوضیگه آزاد قیلینگن.
طالبلرنینگ امر به معروف خادملری برچه فقرالرنینگ تشقی کۉرینیشینی نظارت قیلهدی. اولر عیاللرنی گروه طلب قیلگن حجابگه رعایه قیلمهگنی، اېرککلرنی اېسه سقالی یۉقلیگی سببلی حبسگه آلهدی.
طالبلر عیاللردن یوزینی تۉلیق یاپیشنی، اېرککلردن اېسه سقال قۉییش و قلپاق کيیشنی مجبوري قیلگن.
