منبعلرنینگ ایتیشیچه، هلمند ولایتینینگ سنگین اولسواللیگیده بیر قابله لوازمیدن چېتلهتیلگنیدن سۉنگ اۉز جانیگه قصد قیلگن.
منبعلر بو عیالنینگ اسمی ناديه بۉلگنینی ایتیب، او ایکّی کون اوّل سنگین تومنیدهگی دولت شفاخانهسیده اتهیلب زهرلی دارولر ایچیب، اۉز جانیگه قصد قیلگنینی بیلدیریشگن.
منبعلرگه کۉره، سنگین اولسواللیگدهگی دولت شفاخانهسی افغانستان ترقیات خدمتلری تشکیلاتی (ایایچدیاس) کۉمهگیده فعالیت یوریتگن و اونینگ بودجهسی بیرلشگن ملتلر تشکیلاتینینگ بالهلر جمغرمهسی (یونیسف) تامانیدن مالیهلشتیریلگن.
منبعلردن بیری ناديه اوشبو تشکیلات رهبری اونگه ایشدن بۉشهتیلگنینی معلوم قیلگنیدن سۉنگ اۉز جانیگه قصد قیلگنینی ایتگن.
منبعگه کۉره، ناديه تورموش قورگن بۉلگن و اوندن ایکّی قیز فرزند قالگن.
شفاخانهدهگی بیر منبع نینگ ایتیشیچه، ناديه ایکّی ییلدن بویان ساغلیقنی سقلش ساحهسیده ایشلهگن.
اوشبو قابله نینگ ایشدن بۉشهتیلیش سببی حاضرچه معلوم اېمس. منبعلرگه کۉره، اونینگ اۉرنیگه باشقه بیر کیشی تعیینلنگن.
حاضرده عیاللرگه ایشلشگه رخصت بېریلگن یگانه جای ساغلیقنی سقلش مرکزلریدیر. شونگه قرهمهی، عیال شفاکارلر طالبلرنینگ قتّيق چېکلاولریگه دوچ کېلماقده و اولر ایشگه اېرکک محرم همراهلیگیده باریشلری کېرهک.
